Форсайт технологик прогнози услубияти бўйича изланиш ишлари олиб борилмоқда

Жорий йилнинг 19 декабрь куни “Hyatt Regency Tashkent” меҳмонхонасида Қурилиш, қишлоқ хўжалиги ва рақамли иқтисодиётда технологик прогноз кўникмалари мавзусида семинар бўлиб ўтди.

Тадбирда Ўзбекистон Савдо-саноат палатаси, Ахборот технологиялари ва коммуникацияларини ривожлантириш вазирлиги, Қурилиш вазирлиги, Қишлоқ хўжалиги вазирлиги, Инновацион ривожланиш вазирлиги, Олий ва ўрта махсус таълим вазирлиги, IT Park ва бошқа вазирлик ва идора вакиллари иштирок этди.

Ўзбекистон Республикаси Президентининг 2022-йил 28-январдаги ПФ-60-сон қарори билан тасдиқланган 2022-2026-йилларда янги Ўзбекистонни ривожлантириш стратегияси вазифаларига мувофиқ, Иқтисодий тараққиёт ва камбагалликни қисқартириш вазирлиги томонидан Ўзбекистон Республикасида стратегик йуналишларни режалаштиришга қаратилган янги тизимни яратишга кўмаклашиш, хусусан, БМТ Тараққиёт Дастури кўмагида бўлажак кадрлар компетенцияларига эҳтиёжларни аниқлаш учун Форсайт технологик прогнози услубияти бўйича изланиш ишлари олиб борилмоқда.

Маълумот учун: Форсайт – ижтимоий-иқтисодий ва инновацион ривожланишнинг стратегик йуналишларини эксперт баҳолаш, ўрта ва узоқ муддатли истиқболда иқтисодиёт ва жамиятга таъсир кўрсатиши мумкин бўлган технологик ютуқларни аниқлаш усуллари тизими.

Шу муносабат билан, БМТ Тараққиёт Дастурининг “Ёшларнинг ракамли иқтисодиёт ва ракамли тадбиркорлик имкониятларини кенганйтириш” қўшма лойиҳаси доирасида давлат хизматчиларининг технологик Форсайт услубиятини қўллаш бўйича тушунча ва кўникмаларни ошириш, хамда қурилиш, қишлоқ хўжалиги ва рақамли иқтисодиёт сохаларида тадкикот утказиш учун ишчи гурух шакллантириш, бирламчи амалий тренинглар ва вебинарлар ўтказиш мақсадида халқаро маслаҳатчи, доктор Жон Свинийни жалб қилинди.

Тадбирлар натижасида келажакда бозор коньюнктураси талаблари ва ўзгаришларнинг халқаро омиллари – инновациялар ва технологилар тараққиётни ҳисобга олган холда талаб қилинадиган билимлар прогнози билан қурилиш, қишлоқ хўжалиги ва рақамли иқтисодиёт соҳасида кадрлар тайёрлашни такомиллаштириш бўйича тавсиялар ишлаб чиқилди.

Ушбу семинарда турли соҳалардаги мутахассислар мақсад қилинган келажак сари ҳаракат қилиш учун муҳим кўникмалар ҳақида тушунча берадиган сценарийлар ишлаб чиқиш учун иштирок этди. Бундан ташқари, иштирокчилар аниқланган кўникмаларга нисбатан ҳар бир сектордаги сиёсат оқибатларини муҳокама килишди.

ССП матбуот хизмати