ССП раиси ва “Wah-Nobel-Group” компанияси бош директори ўртасида учрашув бўлиб ўтди

II Тошкент халқаро инвестиция форуми доирасида Ўзбекистон Савдо-саноат палатаси раиси ва Wah-Nobel-Group компанияси бош директори Шираз Улла-Чоудри ўртасида учрашув бўлиб ўтди.

Wah-Nobel-Group саноат кимёвий моддалари, ацетатлар ва яшил энергия фаолиятига ихтисослашган компаниялар гуруҳи ҳисобланади.

Учрашувда хорижий томон Ўзбекистоннинг кимё маҳсулотлари учун хом-ашё ишлаб чиқарувчи корхоналари билан савдо-иқтисодий ҳамкорликни йўлга қўйишга қизиқиш билдирди.

Учрашув якунида Покистонга кимё маҳсулотларини экспорт қилиш механизмини йўлга қўйиш мақсадида Ўзбекистон корхоналарига хорижий инвестицияларни жалб қилиш имкониятларини кўриб чиқиш бўйича келишувга эришилди.

ССП матбуот хизмати