Эрон Республикаси Ҳамадон вилояти ишбилармон вакиллари ўртасида бизнес форум ва B2B учрашувлари бўлиб ўтди

Жорий йилнинг 8 январь куни Савдо-саноат палатаси Бухоро вилояти бошқармаси ташаббуси билан маҳаллий тадбиркорлар ва Эрон Республикаси Ҳамадон вилояти ишбилармон вакиллари ўртасида бизнес форум ва B2B учрашувлари бўлиб ўтди.

Тадбир Эрон Ислом Республикасининг Ҳамадон вилояти ҳокими Алиризо Қосимий Фарзод бошчилигида 6 нафар ҳукумат аъзолари ва 11 нафар бизнес вакиллари ташрифи доирасида ташкил этилди.

Ташрифдан асосий мақсад — икки вилоят бизнес вакиллари ўртасида ҳамкор шартномалар тузиш, давлатлараро экспорт фаолиятини ҳамда ўзаро ҳамкорликни йўлга қўйиш. 

Учрашув давомида икки томонлама музокаралар доирасида, делегация аъзолари Пешку туман иқтисодий салоҳияти ҳақидаги тақдимоти билан таништирилди.

ССП матбуот хизмати