O'zbekiston Savdo-sanoat palatasi - O'ZBEKISTON RESPUBLIKASI SAVDO-SANOAT PALATASI HUZURIDAGI HAKAMLIK SUDI

O'ZBEKISTON RESPUBLIKASI SAVDO-SANOAT PALATASI HUZURIDAGI HAKAMLIK SUDI

O‘zbekiston Respublikasining “Hakamlik sudlari to‘g‘risida”, “O‘zbekiston Respublikasi Savdo-sanoat palatasi to‘g‘risida”gi qonunlarini ijro etish hamda tadbirkorlikni bundan buyon rivojlanishi uchun mo’tadil iqlimni yaratish va tabirkorlarni huquqiy qo‘llab-quvvatlash tizimini takomillashtirish maqsadida O‘zbekiston Respublikasi Savdo-sanoat palatasi huzurida Hakamlik sudi tashkil qilindi.

Hakamlik muhokamasi iqtisodiy nizolarni hal etishning samarali mexanizmi bo‘lib, nizolarni hal etish tartibida maxfiylikni, tezkorlikni va tejamkorlikni ta’minlagan holda nizolashayotgan tomonlarga ular o‘rtasidagi kelishmovchiliklarga qaramasdan amaliy muloqotlar, hamkorlik munosabatlarini saqlab qolishga yo‘l qo‘yadi. Hakamlik sudining qarori ixtiyoriy ravishda ijro etilmagan holda, u majburiy ijro etiladi.

O‘zbekiston Respublikasi Savdo-sanoat palatasi huzuridagi Hakamlik sudi nizolarni hal etishning samarali mexanizmini tashkil qilish orqali yuridik va jismoniy shaxslar, shuningdek yakka tartibdagi tadbirkorlarning qonun bilan muhofaza qilinadigan huquq va manfaatlarini himoya qilishni ta’minlaydi

HAKAMLIK SUDI HUJJATLARI

Reglament

HAKAMLIK YIG'IMI

O‘zbekiston Respublikasi Savdo-sanoat palatasi huzuridagi Hakamlik sudi

Manzil: Toshkent sh. 100047, Amir Temura ko‘chasi 4,6-blok

Telefon: +99878 1506006

h/r: 20212000503781497004 UZS
20212840503781497006 USD
20212643003781497003 RUBL

ATIB "Ipoteka-Bank" Mehnat filiali. STIR: 201794794 MFO: 00423

Hakamlik sudi Reglamentida nazarda tutilgan nizolar bo‘yicha undiriladigan hakamlik yig‘imining miqdori da’vo summasining 1 foizi, lekin bazaviy hisoblash miqdorining 3 baravaridan kam bo‘lmagan miqdorda belgilanadi.

Nomulkiy tusdagi da’volar yuzasidan taqdim etilgan da’vo arizalari bo‘yicha da’vo bahosini aniqlashning iloji bo‘lmagan taqdirda, hakamlik yig‘imi bazaviy hisoblash miqdorining 10 baravari miqdorida belgilanadi.

Hakamlik sudiga hakamlik muhokamasi taraflari va ishda ishtirok etgan boshqa shaxslar tomonidan hal qiluv qarori dublikatlari va ishdagi boshqa hujjatlar nusxalarini berish to‘g‘risidagi arizalar bo‘yicha Hakamlik sudi tomonidan beriladigan hal qiluv qarori va hujjatlarning har bir beti uchun bazaviy hisoblash miqdorining 5 foizi miqdorida hakamlik yig‘imi belgilanadi.

Daʼvogarlar Oʼzbekiston Respublikasi Savdo-sanoat palatasiga aʼzo bo‘lgan taqdirda Hakamlik sudi raisi qarori bilan hakamlik yig‘imi bo‘yicha 25 foizgacha miqdorda chegirma qilinishi mumkin.

HAKAMLIK SUDYALARI RO'YXATI