Тошкентда “Event Expo 2017” I - Махсус кўргазмаси бўлиб ўтади

Бугунги кунда “Ўзэкспомарказ” миллий кўргазмалар мажмуасида 2017 йилнинг 5-7 апрел кунлари бўлиб ўтадиган “Fashion Expo 2017”, “Wedding Expo 2017”,  “MassMedia & Advertising Expo”, “Отдых и развлечение”, “Tashkent Flora Expo 2017” йўналишларига бағишланган “Event Expo 2017” Махсус кўргазма жараёнларига тайёргарлик кўрилмоқда.

Кўргазма доирасида қатнашчилар ўзларининг ивент-хизматлар бозоридаги салоҳиятини намойиш этиш ҳамда улар томонидан кўрсатиладиган хизматлар тўғрисида маълумот бериш имкониятига эга бўладилар. Шунингдек, кўргазмачилар ушбу йўналишларнинг замонавий тенденциялари, мажмуавий тадбирларнинг етук вакиллари ва ташкилотчилари билан танишадилар.

Кўргазма турли лойиҳаларни амалга оширишга жалб қилиш бўйича event-агентликлар базасини яратиш имконини беради. Шу билан биргаликда, Қўмиталар, ассоциация ва тегишли идоралар вакилларининг ҳуқуқ, солиқ, банк ва бошқа йўналишлардаги масалалари юзасидан кўргазма майдончасида ҳуқуқий маслаҳатхона ташкил этилади.

“Event Expo 2017” давомида турли хил совринли акциялар ҳамда номинациялар ўтказилади.

“Event Expo 2017” I - Махсус кўргазмаси жараёнининг КОНЦЕПЦИЯси (юклаб олиш)

ЎзССП Матбуот хизмати