Наманганда навбатдаги «МЕНЕЖМЕНТ АСОСЛАРИ» мавзусида ўқув курси ўтказилди.

Наманганда бизнес эгалари ва раҳбарлари,  бошқарувчилари (топ менеджерлари), шунингдек, ўз бизнесини бошлаш истагида бўлган шахсларнинг бизнесни муваффақиятли бошқаришни соддалаштириш борасида билимларини ошириш мақсадида «МЕНЕЖМЕНТ АСОСЛАРИ» мавзусида ўқув курси ўтказилди.

Ўзбекистон Савдо-саноат палатаси, Buesiness monitoring group ва Autor coochig group томонидан ташкил этилган "Менеджмент асослари" мавзусидаги семинар 5 май куни Ўзбекистон Савдо-саноат палатаси Наманган вилоят ҳудудуий бошқармаси хузуридаги “Zamonaviy kelajak ta’lim” нодавлат таълим муассасасида ташкил этилди.

Мазкур ўқув машғулотида Наманган, Фарғона ва Андижон вилоятларида фаолият кўрсатувчи кичик бизнес ва ҳусусий тадбиркорлик субъектларининг раҳбарлари ва бошқарувчилари (топ менеджерлар), бизнесни ривожлантиришга кўмаклашувчи ташкилотларининг вакиллари, таълим муассасаларининг битирувчилари ҳамда ўқитувчилари, шунингдек ўз бизнесини бошлаш истагида бўлган ёшлар иштирок этдилар.

Ўқув семинар давомида малакали тренер Баҳодир Фозилхўжаев иштирокчиларга тадбирнинг асосий мақсади бўлган - бизнесни мувоффақиятли бошқариш деган мураккаб ишни соддалаштириш, ташкилотларни бошқарув тизимлари ва функциялари, бошқарув режаларининг мақсад ва  мезонлари, жамоани шакллантириш ва уни мувоффақияти асослари, инновацион етакчилик ҳамда Human resources management ва инсоний капитални ривожлантириш борасидаги чуқур ва тажрибага асосланган билимини ушбу ўқув семинар иштирокчилари билан бўлишди.

 “Мазкур семинарда иштирок этганимдан хурсандман,  - дейди Наманган шаҳрида фаолият кўсатувчи тадбиркор Абдуахад Абдуҳамидов. Семинаргача мен ўз бизнесини қандай бошқариш лозимлиги ва унда вақтни бошқариш бўйича ўз билганимча иш кўрар эдим. Бугунги семинарда олган билимларимни ўз фаолиятимга жорий қилиш натижасида менда бошқа ишларимни ҳам амалга оширишимга вақт қолишини тушундим”.

Семинарда иштирокчиларни қизиқтирган саволларга ҳар томонлама жавоблар бериш баробарида, иштирокчиларга ўзида 100 дан зиёд иқтисодий ва ҳуқуқий адабиётлар ҳамда мейёрий-ҳуқуқий ҳужжатларни жамлаган дисклар тақдим этилди.

Ўқув машғулоти якунида иштирокчиларига махсус сертификатлар тақдим этилди.