Навоий ва Бухоро вилояти тадбиркорларини учрашувга таклиф этамиз

Ўзбекистон Республикаси Савдо-саноат палатаси Навоий ва Бухоро ҳудудий бошқарма масъул ходимлари билан биргаликда тадбиркорлик субъектларида мавжуд муаммолар юзасидан учрашув ўтказилади.

Ўзбекистон Республикаси Президентининг 20 январдаги “2017-2021 йиларда Ўзбекистон Республикасини ривожлантиришнинг бешта устувор йўналиши бўйича харакатлар стратегиясини “Фаол тадбиркорлик, инновацион ғоялар ва технологияларни кўллаб-кувватлаш йили”да амалга оширишга оид Давлат дастури тўғрисида”ги ПФ-5308-сонли Фармони билан Савдо-саноат палатасига тадбиркорлар томонидан содир этилаётган камчиликларни, айниқса жиноятларни танқидий муҳокама қилиш, бартараф этиш ва профилактика қилишга кўмаклашиш бўйича чора-тадбир режаси тасдиқланган.

Савдо-саноат палатаси тадбиркорлар томонидан содир этилаётган ҳуқуқбузарликлар ва жиноятлар, уларни келтириб чиқарувчи сабабларга оид таҳлиллар натижаларини тадбиркорлар билан ўтказиладиган учрашувлар, давра суҳбатлар, семинарларда кенг муҳокама қилиш ва Палата қошидаги Эксперт кенгашларида кўриб чиқиш ҳамда тегишли тавсиялар ишлаб чиқиш белгиланган.

Шу муносабат билан 2018 йил 29 майда Навоий вилоятида ва 30-31 майда Бухоро вилоятида Савдо-саноат палатаси ходимлари томонидан тадбиркорлар билан янги қабул қилинган қонун хужжатларини жойларда ижро қилиниши ва мавжуд муаммоларни мутасадди ташкилотлар раҳбарлари ва тадбиркорлар иштирокида кенг муҳокама қилиш учун ўчрашув ўтказилиши белгиланган.

Ўзбекистон Республикаси Савдо-саноат палатаси Суд, ҳуқуқни муҳофаза қилувчи ва назорат қилувчи органлари билан ҳамкорлик қилиш бошқармасига тадбиркорлик субъектларининг фаолияти текширувларида иштирок этиш, жиноий ишлар бўйича амалиётда жамоат ҳимоячилари сифатида иштирок этиш, тадбиркорлик фаолияти соҳаси қонунчилик ижроси бўйича жамоат назоратини амалга ошириш, назорат қилувчи органлари билан ҳамкорликда тадбиркорларнинг қонун билан қўриқланадиган манфаатларини ҳимоя қилиш, шу жумладан, ҳуқуқни қўллаш соҳасидаги тизимли қонун бузилишларни ва суйистеъмолликларни ўз вақтида аниқлаш ва бартараф этиш ҳамда ҳуқуқбузарликларнинг олдини олиш ва профилактикани амалга ошириш ҳамда мазкур вазифаларнинг ижросини жойларда таъминлаш ва семинарлар ўтказиш Ўзбекистон Республикаси Савдо-саноат палатасига хусусан масъул ходим Б.Ибодуллаев зиммасига юклатилган.

Шунингдек, учрашувларда иштирок этиш учун +99371 150-60-06 телефонларига ва Палатанинг Навоий ва Бухоро ҳудудий бошқармаларига мурожаат қилишингиз мумкинлигини билдирамиз.

ЎзССП Матбуот хизмати