Navoiy va Buxoro viloyati tadbirkorlarini o'chrashuvga taklif etamiz!

O'zbekiston Respublikasi Savdo-sanoat palatasi Navoiy va Buxoro hududiy boshqarma mas'ul xodimilari birgalikda tadbirkorlik sub'ektlarida mavjud muammolar yuzasidan o'chrashuv o'tkaziladi.

O'zbekiston Respublikasi Prezidentining 20 yanvardagi “2017-2021 yilarda O'zbekiston Respublikasini rivojlantirishning beshta ustuvor yo'nalishi bo'yicha xarakatlar strategiyasini “Faol tadbirkorlik, innovatsion g'oyalar va texnologiyalarni ko'llab-kuvvatlash yili”da amalga oshirishga oid Davlat dasturi to'g'risida”gi PF-5308-sonli Farmoni bilan Savdo-sanoat palatasiga tadbirkorlar tomonidan sodir etilayotgan kamchiliklarni, ayniqsa jinoyatlarni tanqidiy muhokama qilish, bartaraf etish va profilaktika qilishga ko'maklashish bo'yicha chora-tadbir rejasini ishlab chiqish vazifasi yuklatilgan.

Savdo-sanoat palatasi tadbirkorlar tomonidan sodir etilayotgan huquqbuzarliklar va jinoyatlar, ularni keltirib chiqaruvchi sabablarga oid tahlillar natijalarini tadbirkorlar bilan o'tkaziladigan uchrashuvlar, davra suhbatlar, seminarlarda keng muhokama qilish va Palata qoshidagi Ekspert kengashlarida ko'rib chiqish hamda tegishli tavsiyalar ishlab chiqish belgilangan.

Shu munosabat bilan 2018 yil 29 mayda Navoiy viloyatida va 30-31 mayda Buxoro viloyatida Savdo-sanoat palatasi xodimlari tomonidan tadbirkorlar bilan yangi qabul qilingan qonun xujjatlarini joylarda ijro qilinishi va mavjud muammolarni mutasaddi tashkilotlar rahbarlari va tadbirkorlar ishtirokida keng muhokama qilish uchun o'chrashuv o'tkazilishi belgilangan.

O'zbekiston Respublikasi Savdo-sanoat palatasi Sud, huquqni muhofaza qiluvchi va nazorat qiluvchi organlari bilan hamkorlik qilish boshqarmasiga tadbirkorlik sub'ektlarining faoliyati tekshiruvlarida ishtirok etish, jinoiy ishlar bo'yicha amaliyotda jamoat himoyachilari sifatida ishtirok etish, tadbirkorlik faoliyati sohasi qonunchilik ijrosi bo'yicha jamoat nazoratini amalga oshirish, nazorat qiluvchi organlari bilan hamkorlikda tadbirkorlarning qonun bilan qo'riqlanadigan manfaatlarini himoya qilish, shu jumladan, huquqni qo'llash sohasidagi tizimli qonunbuzilishlarni va suiiste'molliklarni o'z vaqtida aniqlash va bartaraf etish hamda huquqbuzarliklarning oldini olish va profilaktikani amalga oshirish hamda mazkur vazifalarning ijrosini joylarda ta'minlash va seminarlar o'tkazish O'zbekiston Respublikasi Savdo-sanoat palatasi xodimi B.Ibodullaev zimmasiga yuklatilgan.

Shuningdek, o'chrashuvlarda ishtirok etish uchun +998977695055 telefonlariga va Palataning Navoiy va Buxoro hududiy boshqarmalariga murojaat qilishiz mumkinligini bildiramiz.

O'zSSP Matbuot xizmati