Тадбиркорнинг бузилган ҳуқуқлари тикланди ва унга ер майдони қайтарилди

Ўзбекистон Савдо-саноат палатасига “Валижон Вахобжон Юсуфжон” фермер хўжалиги раҳбари В.Набиев мурожаат қилиб, Фарҳона вилояти, Олтиариқ туман ҳокимияти томонидан ер майдони ажратилишида амалий ёрдам сўраган.

Олтиариқ туман ҳокимияти 2015 йил 18 декабрда Фарғона вилоят хўжалик судига қайтадан даъво ариза билан мурожаат қилиб, Олтиариқ туман ҳокимияти ва “Валижон Вахобжон Юсуфжон” фермер хўжалиги ўртасида 2007 йил 02 февралда тузилган ер майдонини узоқ муддатга ижарага бериш шартномасини бекор қилиш ва ер майдонини туман захира фондига қайтаришни сўраган.

Фарғона вилояти хўжалик судининг 2016 йил 06 январдаги ҳал қилув қарори билан Олтиариқ туман ҳокимининг даъво талаблари тўлиқ қаноатлантирилган.

Мазкур ҳал қилув қарорини бекор қилиш ҳамда тадбиркорнинг ҳуқуқини ҳимоя қилиш мақсадида, Савдо – саноат палатаси томонидан фермер хўжалиги манфаатида Бош прокуратурага назорат тартибида протест келтириш тўғрисида илтимоснома юборилган.

Палата томонидан киритилган илтимоснома қаноатлантирилиб, Бош прокуратура томонидан назорат тартибида протест келтирилган ҳамда Фарғона вилояти хўжалик судининг ҳал қилув қарори бекор қилиниб, тадбиркорнинг ҳуқуқи ҳимоя қилинган. Тадбиркорнинг миннатдорчилик ХАТИ.pdf

ЎзССП Матбуот хизмати