Ўзбекистон Республикаси Президенти соврини учун кўрик-танловда иштирок этинг!

2018 йил 16 август куни Ўзбекистон Республикаси Вазирлар Маҳкамасининг “Ўзбекистон Республикаси Президенти соврини учун тадбиркор, фермер ва ҳунармандлар ўртасида ўтказиладиган “Ташаббус-2018” кўрик-танловини ташкил этиш ва ўтказиш тўғрисида”ги 676-Ф-сонли фармойиши қабул қилинди.

Фармойишга асосан “Ташаббус-2018” кўрик-танловининг туман (шаҳар) босқичлари 27 августдан 28 сентябрга қадар, Қорақалпоғистон Республикаси, вилоятлар ва Тошкент шаҳар босқичлари  5 октябрдан 25 октябрга қадар, республика босқичи 14-15 ноябрь кунлари, кўрик-танлов ғолибларини тақдирлаш маросими 16 ноябрь куни бўлиб ўтади.

Танловда тадбиркор, фермер ҳамда ҳунармандлар қуйидаги 5 та йўналишларда Ўзбекистон Республикаси Президенти соврини учун беллашади:

1. Саноат соҳасида – “Йилнинг энг яхши тадбиркори”;
2. Хизмат кўрсатиш соҳасида – “Йилнинг энг яхши тадбиркори”;
3. “Йилнинг энг яхши ёш тадбиркори”;
4. “Йилнинг энг яхши фермери”;
5. “Йилнинг энг яхши ҳунарманди”.

“Ташаббус-2018” кўрик-танловида иштирок этинг ва Президент совринига эга бўлинг.

Маълумот учун телефон рақамлар:

+99871 150 91 67;

+99871 150 91 68.

Ўз ССП Матбуот хизмати