“ЭКСПОРТ-ИМПОРТ ФАОЛИЯТИНИ АМАЛГА ОШИРИШ ТАРТИБЛАРИ” мавзусида амалий семинар ўтказилди.

ССП Наманган худудий бошқармаси томонидан 5 феврал куни “ЭКСПОРТ-ИМПОРТ ФАОЛИЯТИНИ АМАЛГА ОШИРИШ ТАРТИБЛАРИ” мавзусида амалий семинар ўтказилди.

Амалий семинарни Савдо-саноат палатаси Наманган вилояти ҳудудий бошқармаси бошлиғи Қ.Джамалов очиб берди.

Унда 40 ортиқ тадбиркорлик субъектлари, Россия Федерациясининг “Солос” компанияси ва Исроил давлатидан ташриф бурган импортёр корхоналар вакиллари, вилоят божхона бошқармаси, вилоят марказий банк бош бошқармаси, Жахон банкининг вилоятдаги вакили, вилоят инвестиция ва савдо бошқармаси, вилоят давлат солиқ бошқармаси масъул ходимлари иштирок этди.

Семинарда маҳаллий экспортёр корхоналарга маҳсулот ва хизматлар экспортини амалга ошириш тартиблари ҳамда қонунчиликда берилган имтиёз ва профенциялар тўғрисида маълумотлар етказилиб, тушунчалар берилди.

Иштирокчилар қуйидаги мавзулар бўйича ўз билим ва кўникмаларини оширдилар:

• Импорт қилиш: Импорт қилинаётган маҳсулотларни расмийлаштириш тартиблари;
• Экспорт-импорт шартномаларни банкларда рўйхатга олиш тартиблари;
• Экспорт-импорт қилинаётган маҳсулот ва хизматлар учун тўланадиган солиқ турлари ва тўловларни амалга ошириш тартиби;
• Экспорт ва импорт қилинаётган маҳсулотларни етказиб берилишида маҳаллий логистика хизматларининг имтиёзлари.

Шунингдек, экспортга қизиқиш билдирган тадбиркорлик субъектларига  экспорт фаолиятини қадамма-қадам амалга ошириш босқичлари батафсил тушунтириб берилди.

ССП Ахборот хизмати