Савдо-саноат палатаси Венгриянинг йирик компаниялари билан "B2B" форматидаги бизнес учрашувни ташкил этди

18-феврал куни Ўзбекистон-Венгрия бизнес-форуми доирасида “B2B” форматидаги кооперация биржаси бўлиб ўтди. 

Савдо-саноат палатаси томонидан ташкил этилган учрашувда инвестицион-иқтисодий соҳалардаги ҳамкорлик, икки мамлакат ўртасидаги товар айланмасини янада кўпайтириш, Ўзбекистон ва Венгрия ишбилармон доиралари ўртасида бизнес учун қулай шароитлар яратиш каби масалалар мухокама этилди.

Тадбир давомида Венгрия давлатининг АКТ, қурилиш ва муҳандислик, қишлоқ хўжалиги, озиқ-овқат ва енгил саноати каби соҳаларда фаолият юритувчи 30 ортиқ этакчи компания вакиллари ҳамда 50га яқин маҳаллий тадбиркорлар қатнашди. 

Тадбир доирасида Савдо-саноат палатасининг Тошкент шаҳар худудий бошқармаси ва Будапешт Савдо-саноат палаталаси ўртасида келишув имзоланди.  Унда ўзаро савдо-иқтисодий алоқаларни янада ривожлантириш орқали ҳамкорликнинг янги босқичига чиқиш, иқтисодиётнинг барча соҳаларида қўшма лойиҳаларни амалга ошириш кўзда тутилган. 

Шуни қайд этиш керакки,  2019- йилда икки давлат ўртасидаги товар айланмаси ҳажми 60 млн. АҚШ долларидан ошди. 

Асосий импорт маҳсулотларини:  дори-дармонлар,  механика ва электр жиҳозлари,  чорвачилик маҳсулотлари ва бошқалар ташкил этади. 

Экспорт товарлари  эса:  хизмат кўрсатиш,  нефт маҳсулотлари,  калава иплар,  мева-сабзавотлар, ўғитлар,  транспорт воситалари ва уларга эҳтиёт қисмлар йетказиб бериш кабилардир. 

Ҳозирги кунда Ўзбекистонда 3та Венгрия корхонлари фаолият юритаётган бўлиб,  улардан 2таси қўшма корхона,  1таси эса тўлиқ Венгрия  капитали орқали молиялаштирилган. 

ССП Ахборот хизмати