Ёшлар инновацион ғоялари ва стартап-лойиҳаларига кўмаклашиш “Стартап-ташаббуслари” дастурининг 4-даври

Ёшларнинг инновацион тадбиркорлик кўникмалари ривожлантириш ва имкониятларини кенгайтириш мақсадида, 2020 йил 3 март куни Ўзбекистон Республикаси Бандлик ва меҳнат муносабатлари Вазирлиги БМТ Тараққиёт Дастури ҳамда Россия Федерацияси Траст Фонди “Ўзбекистонда ёшлар бандлигига кўмаклашиш” қўшма лойиҳа доирасида Ёшлар инновацион ғоялари ва стартап-лойиҳаларига кўмаклашиш “Стартап-ташаббуслар” дастурининг тўртинчи босқичини амалга оширди.

Дастурнинг 4-босқичи Ўзбекистоннинг барча ҳудудларини қамраб олиб, мисли кўрилмаган даражада аризалар қабул қилди. Қабул қилинган 648та аризалардан 179таси Дастурда иштирок этишга саралаб олиниб, улардан 27таси 4-босқичнинг финал қисмига ўтишга муваффақ бўлдилар ҳамда «Demo Day» якунига кўра улардан энг яхши бештаси ўз стартапларини ривожлантириш учун беғараз сармоя шаклидаги мукофот маблағлари билан тақдирландилар.

4-босқичда онлайн таълим, тиббиёт, туризм хизматларини кўрсатиш, бандликка кўмаклашиш, сунъий идрок фойдаланиш, маиший хизматлар ва робототехника соҳаларидаги лойиҳалар иштирок  этди.

«Demo Day»га тақдим этилган стартап-лойиҳалар – Дастур иштирокчиларинг узоқ меҳнати маҳсулидир. Уч ой мобайнида жамоа етакчилари ва аъзолари трекерлар (бириктирилган устозлар) қўл остида максадли мижозлар муоммолари ва эҳтиёжларини ўргандилар, ўз тахминларини текшириб кўрдилар, кичик ишчи моделларни яратдилар, уни амалиётда синаб кўрдилар, бирламчи “қўлбола” савдони амалга оширдилар, лойиҳаларнинг камчиликларини таҳлил қилдирар ва уларни мукаммаллаштирдилар.

Дастурни амалга ошириш давомида жамоалар “тежамкор стартап” (Lean Startup) услубиятидан фойдаланиб стартапни ривожлантириш асосларини ўрганиш ва уни мувафаққиятли бизнесга айлантиришга қаратилган  амалий семинарда иштирок этдилар. Семинарлар Фарғона, Қашқадарё, Самарқанд, Бухоро, Хоразм вилоятларида ва Тошкент шаҳрида қўшни вилоятлардаги сараланган лойиха жамоаларини таклиф этиб ўтказилди.

Шунингдек, стартап лойиҳаларини амалга ошириш ҳамда уларни тайёрлаш ва тақдимотини ўтқазиш учун юқори малакали экспертлар ва кўзга кўринган тадбиркорлар иштирокида маҳорат дарслари ва маслахат учрашувлари ўтказилди.

Тадбирда:  Ўзбекистон Республикаси Президенти Маслаҳатчисининг ёшлар, илм-фан, таълим, соғлиқни сақлаш, маданият ва спорт масалалари бўйича Биринчи Ўринбосари – Ўзбекистон Ёшлар Иттифоқи Марказий Кенгаши раиси А.Саъдуллаев, Ўзбекистон Савдо-саноат Палатаси Раиси – А.Икрамов, Ўзбекистон Республикиси Бандлик ва меҳнат муносабатлари вазирининг Биринчи ўринбосари – Э.Мухитдинов, БМТ ТДнинг Ўзбекистондаги Доимий Вакили – М.Димовска, Россия Федерациясининг Ўзбекистон Республикасидаги Элчихонаси Маслаҳатчиси – В.Митрофанов, Дастурий маҳсулотлар ва ахборот технологиялари парки (ИТ-парк) Директори – Ф.Ибрагимов, “Рақамли ишонч” Рақамли иқтисодни ривожлантириш ва қўллаб қувватлаш Фонди Ижрочи директори – Б.Беков, ҳамда дипломатик корпус, халқаро ташкилотлар, турли вазирлик ва идоралар ва оолий таълим муассалари вакиллари иштирок этдилар.

«Стартап-ташаббуслари» ёшларнинг инновацион ғоя ва стартап лойиҳаларини қўллаб-қувватлаш дастури доирасида амалга оширилган ишлар тўғрисида ХИСОБОТ

Қўшимча маълумотлар учун қуйидаги +998903173959 рақами орқали Усмон Рахимжонов, Ўзбекистон Республикаси Бандлик ва меҳнат муносабатлари Вазирлиги ва БМТ Тараққиёт Дастурининг “Ўзбекистонда ёшлар бандлигига кўмаклашиш” лойиҳаси, Ёшлар тадбиркорлигига кўмаклашиш компоненти менежерига мурожаат қилишингиз мумкин.