“Chamber Business Solutions” унитар корхонаси томонидан 2020 йил сенябрь ойи давомида амалга оширилган ишлар тўғрисида

Ўзбекистон Республикаси Савдо-саноат палатаси қошидаги “Chamber Business Solutions” унитар корхонаси 2015 йилда  ташкил этилган.

Жумладан, 2015 йилдан бошлаб Ўзбекистон Савдо-саноат палатасининг ягона 78-150-60-06 ҳамда 1094 қисқа  рақамларига 24/7 режимида келиб тушаётган тадбиркорлик фаолиятига оид турли маслаҳат, маълумот бериш ҳамда мурожаатлар қабул қилиш, Палата фаолияти ва ҳамкорлик билан боғлиқ вазирлик ва идоралар вакилларини масъул ходимлар билан боғлаб бериш асосоий вазифаларидан бири хисобланади.

2020 йил сентябр ойи давомида Ўзбекистон Савдо-саноат палатасининг 150-60-06 ягона рақами ҳамда 1094  ишонч телефони орқали иш вақти ва иш вақтидан ташқари 1483 та қўнғироқ қабул қилинган.

Қолаверса, шуни таъкидлаб ўтишимиз жоизки, ушбу УК нафақат Тошкент шахри, балки Республикамизнинг барча хухудларидан келиб тушган қўнғироқларни ҳам қабул қилади.

Мисол тариқасида сентябрь ойи давомида Палатанинг 150-60-06 ягона рақами ҳамда 1094 ишонч телефонига қабул қилинган қўнғироқлар ҳудудлар кесимида қуйида кўрсатилмоқда.

Бундан ташқари Ўзбекистон Республикаси Бош вазирининг “Тадбиркорлар мурожаатларини кўриб чиқиш бўйича виртуал қабулхонаси”га 2020 йилнинг сентябрь ойи давомида келиб тушган мурожаатлар умумий ҳисобда 3 562 тани ташкил этиб, шундан тадбиркорлик фаолиятининг турли масалаларига доир 1 694 та мурожаат рўйхатга олинган.

Шу билан бирга Ўзбекистон Республикаси Президенти Шавкат Миромонович Мирзиёевнинг ташшаббуслари билан жорий йилнинг 17 июнь санасида Туркиянинг иқтисодиёт ва технологиялар университети филиали ташкил этилди. Мазкур университетнинг Тошкент шаҳридаги филиали ҳақида маълумот бериб бориш мақсадида Ўзбекистон Савдо-саноат палатасининг 78 150 60 08 телефон рақами 2020 йил 27-июль санасида ишга туширилди ҳамда университет филиалида таълим олиш истагида бўлган фуқароларга узлуксиз ахборот бериб келинмоқда. Жорий йилнинг 30 сентябрь санасига қадар   Туркиянинг иқтисодиёт ва технологиялар университетининг Тошкент филиали ҳақида маълумот олиш истагида жами 404 та мурожаат қабул қилинган.

Шунингдек 2020 йил май ойидан бошлаб Ўзбекистон Республикаси Савдо-саноат палатаси ҳамда Бирлашган Миллатлар Ташкилотининг Тараққиёт Дастури билан ҳамкорликда COVID-19 пандемияси сабабли юзага келган карантин ҳолатининг тадбиркорлик субъектларининг фаолиятига салбий оқибатларини юмшатиш мақсадида ташкил этилган “Бизнес-клиника” лойиҳаси доирасида 1094 рақамига сентябрь ойи давомида 522 та мурожаат келиб тушди.

Мазкур мурожаатлар келиб чиқиб ҳамда пандемиянинг тадбиркорлик фаолиятига салбий таъсирини юмшатиш мақсадида “Бизнес-клиника” лойиҳаси доирасида сантябрь ойи давомида 8 та онлайн вебинарлар ташкил этилиб, уларда 232 нафар иштирокчи қатнашди ва 80 дан ортиқ саволларга батафсил ҳамда асослантирилган жавоблар берилди.