“Chamber Business Solutions” unitar korxonasi tomonidan 2020 yil senyabr oyi davomida amalga oshirilgan ishlar to‘g‘risida

O‘zbekiston Respublikasi Savdo-sanoat palatasi qoshidagi “Chamber Business Solutions” unitar korxonasi 2015-yilda  tashkil etilgan.

Jumladan, 2015-yildan boshlab O‘zbekiston Savdo-sanoat palatasining yagona 78-150-60-06 hamda 1094 qisqa  raqamlariga 24/7 rejimida kelib tushayotgan tadbirkorlik faoliyatiga oid turli maslahat, ma'lumot berish hamda murojaatlar qabul qilish, Palata faoliyati va hamkorlik bilan bog‘liq vazirlik va idoralar vakillarini mas'ul xodimlar bilan bog‘lab berish asosoiy vazifalaridan biri xisoblanadi.

2020-yil sentyabr oyi davomida O‘zbekiston Savdo-sanoat palatasining 150-60-06 yagona raqami hamda 1094  ishonch telefoni orqali ish vaqti va ish vaqtidan tashqari 1483 ta qo‘ng‘iroq qabul qilingan.

Qolaversa, shuni ta'kidlab o‘tishimiz joizki, ushbu UK nafaqat Toshkent shahri, balki Respublikamizning barcha xududlaridan kelib tushgan qo‘ng‘iroqlarni ham qabul qiladi.

Misol tariqasida sentyabr oyi davomida Palataning 150-60-06 yagona raqami hamda 1094 ishonch telefoniga qabul qilingan qo‘ng‘iroqlar hududlar kesimida quyida ko‘rsatilmoqda.

Bundan tashqari O‘zbekiston Respublikasi Bosh vazirining “Tadbirkorlar murojaatlarini ko‘rib chiqish bo‘yicha virtual qabulxonasi”ga 2020-yilning sentyabr oyi davomida kelib tushgan murojaatlar umumiy hisobda 3 562 tani tashkil etib, shundan tadbirkorlik faoliyatining turli masalalariga doir 1 694 ta murojaat ro‘yxatga olingan.

Shu bilan birga O‘zbekiston Respublikasi Prezidenti Shavkat Miromonovich Mirziyoevning tashshabbuslari bilan joriy yilning 17-iyun sanasida Turkiyaning iqtisodiyot va texnologiyalar universiteti filiali tashkil etildi. Mazkur universitetning Toshkent shahridagi filiali haqida ma'lumot berib borish maqsadida O‘zbekiston Savdo-sanoat palatasining 78 150-60-08 telefon raqami 2020-yil 27-iyul sanasida ishga tushirildi hamda universitet filialida ta'lim olish istagida bo‘lgan fuqarolarga uzluksiz axborot berib kelinmoqda. Joriy yilning 30-sentyabr sanasiga qadar Turkiya iqtisodiyot va texnologiyalar universitetining Toshkent filiali haqida ma'lumot olish istagida jami 404 ta murojaat qabul qilingan.

Shuningdek 2020-yil may oyidan boshlab O‘zbekiston Respublikasi Savdo-sanoat palatasi hamda Birlashgan Millatlar Tashkilotining Taraqqiyot Dasturi bilan hamkorlikda COVID-19 pandemiyasi sababli yuzaga kelgan karantin holatining tadbirkorlik subyektlarining faoliyatiga salbiy oqibatlarini yumshatish maqsadida tashkil etilgan “Biznes-klinika” loyihasi doirasida 1094 raqamiga sentyabr oyi davomida 522 ta murojaat kelib tushdi.

Mazkur murojaatlar kelib chiqib hamda pandemiyaning tadbirkorlik faoliyatiga salbiy ta'sirini yumshatish maqsadida “Biznes-klinika” loyihasi doirasida santyabr oyi davomida 8 ta onlayn vebinarlar tashkil etilib, ularda 232 nafar ishtirokchi qatnashdi va 80 dan ortiq savollarga batafsil hamda asoslantirilgan javoblar berildi.