Олий Мажлис билан ҳамкорлик жараёнлари

Ўзбекистон Республикасининг 2018 йил 9 июлда қабул қилинган “Ўзбекистон Республикаси Савдо-саноат палатаси тўғрисида”ги ЎРҚ-483-сонли Қонунининг 22-моддасига кўра, Савдо-саноат палатаси томонидан норматив-ҳуқуқий ҳужжатлар лойиҳаларининг тадбиркорлик фаолиятига таъсирини баҳолаш бўйича жамоатчилик экспертизаси ўтказилиб, муҳим таклифлар бериб келинмоқда.

Хусусан, жорий йилнинг ўтган даври мобайнида жами 682 та норматив-ҳуқуқий ҳужжатлар, шундан 92 та қонун, 169 та Президент фармон ва қарорлари, 332 та Ҳукумат қарорлари ва 89 та бошқа ҳужжатлар лойиҳалари юзасидан экспертизалар ўтказилди.

Палатанинг қонун ижодкорлиги борасидаги фаолияти самарасини ошириш мақсадида Олий Мажлиснинг Қонунчилик палатаси ва Савдо-саноат палатаси ўртасида 2017 йил 20 октябрда ҳамкорлик тўғрисидаги Битим имзоланган.

Мазкур Битим доирасида Палата томонидан қонун лойиҳалари юзасидан ўтказилган Жамоатчилик экспертизаси хулосалари депутатлар эътиборига ҳавола этиб келинмоқда.

Жорий йилнинг сентябрь-октябрь ойларида қуйидаги қонун лойиҳалари бўйича ўтказилган экспертиза хулосалари Олий Мажлис Қонунчилик палатасига юборилди:

1. "Ўзбекистон Республикасининг Иқтисодий процессуал кодексига ўзгартиш ва қўшимчалар киритиш тўғрисида"ги Қонуни.
2. "Суд қарорларини қайта кўриш институтини такомиллаштирилиши ҳамда маъмурий судлар тизимини оптималлаштириши муносабати билан Ўзбекистон Республикасининг Маъмурий суд ишларини юритиш тўғрисидаги кодексига ўзгартиш ва қўшимчалар киритиш ҳақида"ги Қонуни.
3. "Суд қарорларини қайта кўриш институтини такомиллаштирилиши муносабати билан Ўзбекистон Республикаси Фуқаролик процессуал кодексига ўзгартиш ва қўшимчалар киритиш ҳақида"ги Қонуни.
4. Ўзбекистон Республикасининг “Ер ости бойликлар тўгрисида”ги Қонуни.
5. Ўзбекистон Республикасининг “Ўзбекистон Республикасининг “Чиқиндилар тўғрисида"ги Қонунига ўзгартиш ва қўшимчалар киритиш ҳақида”ги Қонуни.
6. Ўзбекистон Республикасининг “2021 йил учун солиқ сиёсатининг асосий йўналишлари қабул қилиниши муносабати билан Ўзбекистон Республикасининг айрим қонун хужжатларига ўзгартиш ва қўшимчалар киритиш тўғрисида”ги Қонуни.
7. Ўзбекистон Республикасининг “Озиқ-овқат маҳсулотининг хавфсизлиги тўғрисида”ги Қонуни.
8. Ўзбекистон Республикасининг “Энергияни тежаш ва энергия самарадорлигини ошириш тўғрисида”ги Қонуни.

Бу каби хамкорлик давом этмоқда.

ССП Матбуот хизмати