Oliy Majlis bilan hamkorlik jarayonlari

O‘zbekiston Respublikasining 2018 yil 9 iyulda qabul qilingan “O‘zbekiston Respublikasi Savdo-sanoat palatasi to‘g‘risida”gi O‘RQ-483-sonli Qonunining 22-moddasiga ko‘ra, Savdo-sanoat palatasi tomonidan normativ-huquqiy hujjatlar loyihalarining tadbirkorlik faoliyatiga ta'sirini baholash bo‘yicha jamoatchilik ekspertizasi o‘tkazilib, muhim takliflar berib kelinmoqda.

Xususan, joriy yilning o‘tgan davri mobaynida jami 682 ta normativ-huquqiy hujjatlar, shundan 92 ta qonun, 169 ta Prezident farmon va qarorlari, 332 ta Hukumat qarorlari va 89 ta boshqa hujjatlar loyihalari yuzasidan ekspertizalar o‘tkazildi.

Palataning qonun ijodkorligi borasidagi faoliyati samarasini oshirish maqsadida Oliy Majlisning Qonunchilik palatasi va Savdo-sanoat palatasi o‘rtasida 2017 yil 20 oktyabrda hamkorlik to‘g‘risidagi Bitim imzolangan.

Mazkur Bitim doirasida Palata tomonidan qonun loyihalari yuzasidan o‘tkazilgan Jamoatchilik ekspertizasi xulosalari deputatlar e'tiboriga havola etib kelinmoqda.

Joriy yilning sentyabr'-oktyabr' oylarida quyidagi qonun loyihalari bo‘yicha o‘tkazilgan ekspertiza xulosalari Oliy Majlis Qonunchilik palatasiga yuborildi:

"O‘zbekiston Respublikasining Iqtisodiy prosessual kodeksiga o‘zgartish va qo‘shimchalar kiritish to‘g‘risida"gi Qonuni.
"Sud qarorlarini qayta ko‘rish institutini takomillashtirilishi hamda ma'muriy sudlar tizimini optimallashtirishi munosabati bilan O‘zbekiston Respublikasining Ma'muriy sud ishlarini yuritish to‘g‘risidagi kodeksiga o‘zgartish va qo‘shimchalar kiritish haqida"gi Qonuni.
"Sud qarorlarini qayta ko‘rish institutini takomillashtirilishi munosabati bilan O‘zbekiston Respublikasi Fuqarolik prosessual kodeksiga o‘zgartish va qo‘shimchalar kiritish haqida"gi Qonuni.
O‘zbekiston Respublikasining “Er osti boyliklar to‘grisida”gi Qonuni.
O‘zbekiston Respublikasining “O‘zbekiston Respublikasining “Chiqindilar to‘g‘risida"gi Qonuniga o‘zgartish va qo‘shimchalar kiritish haqida”gi Qonuni.
O‘zbekiston Respublikasining “2021 yil uchun soliq siyosatining asosiy yo‘nalishlari qabul qilinishi munosabati bilan O‘zbekiston Respublikasining ayrim qonun xujjatlariga o‘zgartish va qo‘shimchalar kiritish to‘g‘risida”gi Qonuni.
O‘zbekiston Respublikasining “Oziq-ovqat mahsulotining xavfsizligi to‘g‘risida”gi Qonuni.
O‘zbekiston Respublikasining “Energiyani tejash va energiya samaradorligini oshirish to‘g‘risida”gi Qonuni.
Bu kabi xamkorlik davom etmoqda.

SSP Matbuot xizmati