Тадбиркорнинг қонуний манфаатлари ҳимоя қилинди

Ўзбекистон Савдо-саноат палатаси Тошкент шаҳар ҳудудий бошқармасига унинг аъзоси “Кафолат суғурта компанияси” АЖ мурожаат қилиб, Термиз шаҳар ҳокимлигидан компенсация пулини ундиришда амалий ёрдам сўраган.

“Кафолат суғурта компанияси” АЖнинг Сурхондарё вилоят филиалига тегишли бино давлат ва жамоат эҳтиёжлари учун зарурат туғилганлиги боис бузиб ташланган ва тадбиркорга 267 млн. сўм миқдорида моддий зарар етказилган.

Етказилган зарар ҳокимлик томонидан ихтиёрий равишда тўлаб берилмаганлиги сабабли, Савдо-саноат палатаси томонидан “Кафолат суғурта компанияси” АЖ манфаатида Термиз шаҳар ҳокимлигидан етказилган зарар ундириш тўғрисида судга даъво ариза билан мурожаат қилинган.

Сурхондарё вилоят иқтисодий судининг 2020 йил 18 майдаги ҳал қилув қарори билан ССПнинг даъво аризаси қаноатлантирилиб, “Кафолат суғурта компанияси” АЖ фойдасига Термиз шаҳар ҳокимлиги ҳисобидан 267 млн. сўм миқдорида компенсация пули ундириб берилди ва Палата аъзосининг ҳуқуқ ва қонуний манфаатлари ҳимоя қилинди

 ССП Ахборот-хизмати