“Ёш ҳунармандлар” кўрик-танлови ўтказилди

Эпидемиологик вазиятни инобатга олган ҳолда жорий йил ноябрь ойида онлайн ўтказилган “Ёш ҳунармандлар” кўрик-танловининг саралаш баҳсларида Қорақалпоғистон Республикаси, вилоятлар ва Тошкент шаҳрида фаолият юритаётган ёш ҳунармандлар иштирок этишди ва турли ҳудудлардан энг яхши 42 нафар иштирокчи республика босқичига йўл олди.

 Якуний босқичда ҳар бир ҳудуддан 1 нафардан, жами 14 нафар энг яхши ҳунармандлар 4 та номинация бўйича ғолиб деб топилди ҳамда
2020 йил 4-5 декабрь кунлари видео анжуман шаклида ўтказилган Жаҳон ҳунармандлар кенгашининг Осиё-Тинч океани минтақаси 38-Бош ассамблеяси доирасида ташкил этилган кўргазмада ўз маҳсулотлари билан иштирок этди.

6 декабрь санасида эса ғолиблар сертификат, эсдалик совғалари ва пул мукофоти билан тақдирландилар.

ССП Ахборот-хизмати