Савдо-саноат палатасида Ўзбек-Турк Ишбилармонлар форумининг биринчи йиғилиши ташкил этилди.

2020 йил 16 декабрда Савдо-саноат палатасида биринчи Ўзбек-Турк форуми видеоконференцалоқа форматида ташкил этилди. Мазкур тадбирда Савдо-саноат палатси раиси А.Икрамов, Ўзбекистон Республикаси «Мебел ва Ёғочсозлик Саноати» уюшмасининг раиси А.Нуриддинов, АО «RAVNAQ-BANK» раиси И.Турсунов ҳамда бир қатор уюшма ва идора вакиллари иштирок этишди.

Шунингдек Туркия томонидан Турк-Ўзбек Ишбилармон Форуми хамраиси, «Şahlanlar Gida» Директорлар кенгаши раиси ва «Osc Tekstil», «Soğutma Sist. İnş.», «Şahser Su Ürünleri», «Royalagro» корхоналари таъсисчиси О.Шаҳлан, Ўзбекистон ва Туркия ишбилармонлар уюшмаси раиси «UTID», «Cengiz Enerji Özbekistan» ва «Crowe Tax Audit Consulting Group» корхоналари бош менежери Э.Булут ҳамда 10 дан ортиқ мутасадди вакиллар қатнашдилар.

Мазкур форум илк маротаба ташкил этилаётган бўлиб, ундан кўзланган мақсад Ўзаро савдо ҳажмини ошириш ва инвестицион ҳамкорликни янада кенгайтириш ҳамда Ўзбекистон ва Туркия ўртасидаги саноат кооперациясининг истиқболли йўналишларини ривожлантириш ҳисобланади.

Тадбир аввалида Савдо-саноат палатси раиси А.Икрамов сўзга чиқиб, мазкур форум икки давлат ўртасидаги мустаҳкамланиб бораётган ҳамда ҳар соҳада ривожланаётган алоқаларнинг мантиқий давоми эканлигини таъкидлаб ўтди.

Таъкидлаб ўтиш жоизки Ўзбекистон ва Туркия ҳамкорлигида ташкил этилган ташкилотлар ўртасида мустаҳкам алоқаларни йўлга қўйишда ҳамда мамлакатлар ўртасида савдо- муносабатларини янада кенгайтиришда хусусий бизнес вакилларининг улкан ҳиссаси мавжуд.

Хусусан, юртимизда турк капитали иштирокида 1 441 та корхона фаолият олиб бормоқда. Ҳамкорлигимизнинг ёрқин исботи сифатида жорий йилнинг биринчи ярмида турк капитали иштирокида янги 341 та корхона ташкил этилгани ва ушбу кўрсаткич ўтган йилга нисбатан 50% га ўсганини кўришимиз мумкин.

Шунингдек ҳозирда давом этаётган эпидимиологик вазиятга қарамасдан икки мамлакат ўртасида бугунги кунга қадар 10 дан ортиқ турли тадбирлар ташкил этилди.

Тадбирда давомида Туркиянинг етакчи корҳоналари билан ҳамкорликда ўзаро самарали инвестицион лойиҳаларни амалга ошириш, хусусан машинасозлик, нефт-газ ва нефт-кимёси, меҳмонҳона бизнеси, кимё саноати, электрон ва электротехника маҳсулотлари, фармацевтика каби соҳаларда мустаҳкам ҳамкорлик алоқаларини ўрнатиш масалалари кўриб чиқилди.

Тадбирда давомида Туркия вакиллари томонидан юқоридаги масалалар юзасидан ижобий муносабат билдирилди ҳамда юқорида таклиф этилган масалалар юзасидан ҳамуорлик қилишга тайёр эканликлари алоҳида таъкидланди.

Тадбир якунида навбатдаги Ўзбекистон-Туркия бизнес форумини ўтқазиш бўйича ҳулосалар билдирилди.

ССП Ахборот-хизмати