Savdo-sanoat palatasida O‘zbek-Turk Ishbilarmonlar forumining birinchi yig‘ilishi tashkil etildi.

2020-yil 16-dekabrda Savdo-sanoat palatasida birinchi O‘zbek-Turk forumi videokonferensaloqa formatida tashkil etildi. Mazkur tadbirda Savdo-sanoat palatsi raisi A.Ikramov, O‘zbekiston Respublikasi «Mebel va Yog‘ochsozlik Sanoati» uyushmasining raisi A.Nuriddinov, AO «RAVNAQ-BANK» raisi I.Tursunov hamda bir qator uyushma va idora vakillari ishtirok etishdi.

Shuningdek Turkiya tomonidan Turk-O‘zbek Ishbilarmon Forumi xamraisi, «Şahlanlar Gida» Direktorlar kengashi raisi va «Osc Tekstil», «Soğutma Sist. İnş.», «Şahser Su Ürünleri», «Royalagro» korxonalari ta'sischisi O.Shahlan, O‘zbekiston va Turkiya ishbilarmonlar uyushmasi raisi «UTID», «Cengiz Enerji Özbekistan» va «Crowe Tax Audit Consulting Group» korxonalari bosh menedjeri E.Bulut hamda 10 dan ortiq mutasaddi vakillar qatnashdilar.

Mazkur forum ilk marotaba tashkil etilayotgan bo‘lib, undan ko‘zlangan maqsad O‘zaro savdo hajmini oshirish va investision hamkorlikni yanada kengaytirish hamda O‘zbekiston va Turkiya o‘rtasidagi sanoat kooperatsiyasining istiqbolli yo‘nalishlarini rivojlantirish hisoblanadi.

Tadbir avvalida Savdo-sanoat palatsi raisi A.Ikramov so‘zga chiqib, mazkur forum ikki davlat o‘rtasidagi mustahkamlanib borayotgan hamda har sohada rivojlanayotgan aloqalarning mantiqiy davomi ekanligini ta'kidlab o‘tdi.

Ta'kidlab o‘tish joizki O‘zbekiston va Turkiya hamkorligida tashkil etilgan tashkilotlar o‘rtasida mustahkam aloqalarni yo‘lga qo‘yishda hamda mamlakatlar o‘rtasida savdo - munosabatlarini yanada kengaytirishda xususiy biznes vakillarining ulkan hissasi mavjud.

Xususan, yurtimizda turk kapitali ishtirokida 1 441 ta korxona faoliyat olib bormoqda. Hamkorligimizning yorqin isboti sifatida joriy yilning birinchi yarmida turk kapitali ishtirokida yangi 341 ta korxona tashkil etilgani va ushbu ko‘rsatkich o‘tgan yilga nisbatan 50% ga o‘sganini ko‘rishimiz mumkin.

Shuningdek hozirda davom etayotgan epidimiologik vaziyatga qaramasdan ikki mamlakat o‘rtasida bugungi kunga qadar 10 dan ortiq turli tadbirlar tashkil etildi.

Tadbir davomida Turkiyaning yetakchi korxonalari bilan hamkorlikda o‘zaro samarali investitsion loyihalarni amalga oshirish, xususan mashinasozlik, neft-gaz va neft-kimyosi, mehmonhona biznesi, kimyo sanoati, elektron va elektrotexnika mahsulotlari, farmatsevtika kabi sohalarda mustahkam hamkorlik aloqalarini o‘rnatish masalalari ko‘rib chiqildi.

Tadbirda davomida Turkiya vakillari tomonidan yuqoridagi masalalar yuzasidan ijobiy munosabat bildirildi hamda yuqorida taklif etilgan masalalar yuzasidan hamuorlik qilishga tayyor ekanliklari alohida ta'kidlandi.

Tadbir yakunida navbatdagi O‘zbekiston-Turkiya biznes forumini o‘tqazish bo‘yicha hulosalar bildirildi.

SSP Axborot-xizmati