Савдо-саноат палатасининг юридик хизмати ходимлари иштирокида давра суҳбати бўлиб ўтди

Жорий йилнинг 18 декабрь куни Палатанинг юридик хизмати ходимлари иштирокида тадбиркорлик субъектларининг ҳуқуқ ва қонуний манфаатларини ҳимоя қилишнинг долзарб масалаларига бағишланган видеоконференцалоқа шаклида давра суҳбати бўлиб ўтди.

Тадбирда Палатанинг энг муҳим вазифаларидан бири Палатага аъзо бўлган тадбиркорлик субъектларининг ҳуқуқ ва қонуний манфаатларини суд орқали ҳимоя қилиш, уларга сифати ва ишончли юридик хизмат кўрсатиш эканлиги таъкидланди.

Тадбир давомида Палата ва унинг ҳудудий бошқармаларининг юридик хизматлари томонидан судларга даъво аризалари киритишда вужудга келаётган муаммолар ва уларни бартараф этиш юзасидан таклиф ва мулоҳазалар мухокама этилди.

Жумладан, Палата аъзолари манфаатида судларга аризалар, даъво ва шикоятлар киритишда “Тадбиркорлик субъектларнинг ҳуқуқ ва қонуний манфаатларини судларда ҳимоя қилишни таъминлаш тўғрисида”ги Йўриқнома талабларига қатъиян риоя этиш лозимлиги таъкидлаб ўтилди.

Бундан ташқари, тадбир давомида Ўзбекистон Республикаси Президентининг 24.11.2020 йилдаги ПФ-6118-сонли “Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида”ги Фармони мазмун ва моҳиятини мутасадди ташкилотлар билан ҳамкорликда тадбиркорлик субъектлари ўртасида кенг тарғибот қилиш ҳамда ушбу Фармон билан Палатага берилган ваколатдан самарали фойдаланиш тизимини йўлга қўйиш масаласига ҳам эътибор қаратилди.

ССП Ахборот-хизмати