“Ёшлар: 1+1” дастури доирасида ҳудудларда ёшларни касб-ҳунар ва тадбикорликка ўқитиш ташкил этилмоқда

Ўзбекистон Республикаси Президентининг 2020 йил 25 декабрь куни ўтказилган “Ўзбекистон ёшлари форуми”да ёшларда ижобий мотивация, бизнес ва тадбиркорлик соҳасида зарур билим ва малакаларини шакллантириш, шу орқали уларни тадбиркорликка жалб этиш ва бандилигини таъминлаш бўйича “Ҳар бир тадбиркор – ёшларга мададкор” тамойили асосида “Ёшлар: 1+1” дастури доирасида ҳудудларда ишсиз ва уюшмаган ёшларни касб-ҳунар ва тадбикорлик кўникмаларига ўқитишни ташкил этиш асосида 1 нафар тадбиркорга 1 нафардан  ёшни бириктириш орқали 2021 йилда ёшларни иш билан таъминлаш вазифаси белгилаб берилган. 

Шу мақсадда, жорий йилнинг 7 январ куни Савдо-саноат палатаси Фарғона вилоят худудий бошқармаси, Бандлик бош бошқармаси ҳамда Ёшлар ишлари агентлиги билан ҳамкорликда Қўқон шаҳар ва Бешариқ туманларида тадбиркорликка қизиқиш билдирган “Ёшлар дафтари”га киритилган ёшларга тадбиркорлик кўникмаларини шакллантириш бўйича Қўқон шаҳар касб-хунар мактабида ҳамда бешариқ тумани Мономарказ биносида ўқув курслари ташкил этилди.
Мазкур ўқув курсларида Савдо-саноат палатасининг малакали ходимлари ҳамда палата қошида ташкил этилган “CCI FERGHANA BUSSINES SCHOOL” НТМ нинг малакали ўқитувчилари томонидан тингловчиларга дарслар ўтилди.

Мазкур ўқув курслари 6 кунликка мўлжалланган бўлиб, ўқув курсларини тамомлаган ёшларга сертификатлар берилади.
Ўқув курсларини битириб сертификат олган ёшлар Ўзбекистон Республикаси Президентининг 2020 йил 13 октябрдаги ПҚ-4862-сонли қарорига асосан Микрокредит банкидан имтиёзли кредит олиш имконига эга бўладилар.

ССП Ахборот-хизмати