“Yoshlar: 1+1” dasturi doirasida hududlarda yoshlarni kasb-hunar va tadbikorlikka oʼqitish tashkil etilmoqda

Oʼzbekiston Respublikasi Prezidentining 2020 yil 25 dekabr kuni oʼtkazilgan “Oʼzbekiston yoshlari forumi”da yoshlarda ijobiy motivatsiya, biznes va tadbirkorlik sohasida zarur bilim va malakalarini shakllantirish, shu orqali ularni tadbirkorlikka jalb etish va bandiligini taʼminlash boʼyicha “Har bir tadbirkor – yoshlarga madadkor” tamoyili asosida “Yoshlar: 1+1” dasturi doirasida hududlarda ishsiz va uyushmagan yoshlarni kasb-hunar va tadbikorlik koʼnikmalariga oʼqitishni tashkil etish asosida 1 nafar tadbirkorga 1 nafardan  yoshni biriktirish orqali 2021 yilda yoshlarni ish bilan taʼminlash vazifasi belgilab berilgan. 

Shu maqsadda, joriy yilning 7 yanvar kuni Savdo-sanoat palatasi Fargʼona viloyat xududiy boshqarmasi, Bandlik bosh boshqarmasi hamda Yoshlar ishlari agentligi bilan hamkorlikda Qoʼqon shahar va Beshariq tumanlarida tadbirkorlikka qiziqish bildirgan “Yoshlar daftari”ga kiritilgan yoshlarga tadbirkorlik koʼnikmalarini shakllantirish boʼyicha Qoʼqon shahar kasb-xunar maktabida hamda beshariq tumani Monomarkaz binosida oʼquv kurslari tashkil etildi.
Mazkur oʼquv kurslarida Savdo-sanoat palatasining malakali xodimlari hamda palata qoshida tashkil etilgan “CCI FERGHANA BUSSINES SCHOOL” NTM ning malakali oʼqituvchilari tomonidan tinglovchilarga darslar oʼtildi.

Mazkur oʼquv kurslari 6 kunlikka moʼljallangan boʼlib, oʼquv kurslarini tamomlagan yoshlarga sertifikatlar beriladi.
Oʼquv kurslarini bitirib sertifikat olgan yoshlar Oʼzbekiston Respublikasi Prezidentining 2020 yil 13 oktyabrdagi PQ-4862-sonli qaroriga asosan Mikrokredit bankidan imtiyozli kredit olish imkoniga ega boʼladilar.

SSP Аxborot-xizmati