Тадбиркорнинг қонуний манфаатлари ҳимоя қилинди

Ўзбекистон Савдо-саноат палатасига унинг аъзоси «Олмалиқ Исузу Транс» МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

Палата аъзосининг мурожаати ўрганиб чиқилганда, Ўзбекистон Республикаси Давлат божхона қўмитасининг Тошкент шаҳар бошқармаси томонидан тадбиркорга нисбатан ҚҚС бўйича 189 млн. сўм миқдорида имтиёз қўлланмаганлиги аниқланган.

Ўзбекистон Республикаси Давлат божхона қўмитасининг Тошкент шаҳар бошқармасининг тадбиркорга нисбатан ҚҚС бўйича имтиёз қўлламаганлик хатти-ҳаракатини ноқонуний деб топиш юзасидан Савдо-саноат палатаси томонидан «Олмалиқ Исузу Транс» МЧЖ манфаатида Давлат божхона қўмитасининг Тошкент шаҳар бошқармасига Чилонзор туман маъмурий судига даъво ариза билан мурожаат қилинган.

Чилонзор туманлараро маъмурий судининг ҳал қилув қарори билан ССПнинг даъво аризаси қаноатлантирилган ва, шу тариқа, Палата аъзосининг ҳуқуқ ва қонуний манфаатлари ҳимоя қилинди.

ССП Ахборот-хизмати