“Ҳар бир тадбиркор – ёшларга мададкор” ташаббусини амалга ошириш бўйича Тошкент вилоятининг Янгийул шахар ва Янгийул туман ҳомикликларида туман мутассадилари иштирокида учрашув бўлиб утди

Олдин хабар берганимиздек, Ўзбекистон Савдо-саноат палатаси томонидан “Ҳар бир тадбиркор – ёшларга мададкор” ташаббусини амалга ошириш, унинг мазмун ва моҳиятини тадбиркорлар ва ёшлар ўртасида кенг тарғиб қилиш бўйича ишларни ташкиллаштириш юзасидан жойларда мутассади идоралар раҳбарлари билан учрашувлар ўтказилмоқда.

Шу каби, учрашувлар 20 январь куни Тошкент вилоятининг Янгийул шахар ва Янгийул туманида ҳам бўлиб ўтди.

Учрашувда Ўзбекистон Савдо-саноат палатаси Раисининг биринчи ўринбосари И.Жасимов, ҳокимларнинг биринчи ўринбосарлари, ёшлар сиёсати бўйича ўринбосарлари, Бандлик бўлинмалари, Ёшлар ишлари агентлиги, Солиқ инспекцияси, Маҳалла ва оилани қўллаб-қувватлаш вазирлиги туман бўлимлари раҳбарлари ҳамда ССПнинг Тошкент вилоят ҳудудий бошқармаси бошлиғи У.Акбаров ҳамда туман Тадбиркорликка кўмаклашиш маркази масъул ҳодимлари иштирок этишди.

Йиғилиш давомида давлат – хусусий шерикчилик тамойилига асосланган ҳолда “Ҳар бир тадбиркор – ёшларга мададкор” ташаббусини амалга ошириш, шу тариқа ишсиз ёшларни тадбиркорликка кенг жалб қилиш ва бандлигини таъминлаш бўйича ишчи гурухлар ишини ташкил этиш масалалар муҳокама қилинди.

Йиғилишда ташаббус доирасида ҳар бир масъул ташкилотлар томонидан қилиниши лозим бўлган ишлар белгилаб олинди ва  улар олдига аниқ вазифалар қўйилди.

Тадбир сўнгида, “Ҳар бир тадбиркор – ёшларга мададкор” ташаббуси доирасида ишсиз ёшларни ишга олиш ҳохишини билдирган тадбиркорлик субъектларини билан ҳам учшарув бўлиб ўтди.

Ҳусусан, Янгийул шахарида кўп қаватли уй-жой, мехмонхона ва ёшлар марказини қуриш ишларини олиб бораётган “ZENG FANG Investment” МЧЖ шаклидаги Ўзбекистон – Хитой қўшма корхонаси фаолияти билан танишилди. Ҳозирда корхонада 60 та фуқаро иш билан таъминланган бўлиб, тўлиқ ҳажмда ишга тушгандан сўнг қўшимча равишда 20 та ягни иш ўрни яратиш ва ёшларнинг бандлигини таъминлаш режалаштирилган. 

ССП томонидан бу борадаги ишлари давом этмоқда.

ССП Матбуот хизмати