ССП Раиси А.Икрамов ва Нассер Аль Хакбани ўртасида учрашув бўлиб ўтди

Жорий йилнинг 25 январь куни Савдо-саноат палатаси раиси А.Икрамов Саудия Арабистони делегацияси вакили «Dr. Sulaiman Al Habib Medical Services Group» компанияси ижрочи директори Нассер Аль Хакбани билан учрашди.

Учрашув давомида Нассер Аль Хакбани Ўзбекистонда юқори савияда  ташкил этилган инвестиция форуми ҳамда “B2B” учрашувлари учун ўз миннатдорчилигини билдириди. Шунингдек у Ўзбекистонлик тадбиркорлар билан тиббиёт ва аҳоли саломатлигини сақлаш соҳасида мустаҳкам ҳамкорлик қилишга тайёр эканлигини таъкидлаб ўтди.

Шу билан бирга Савдо-саноат палатаси раиси А.Икрамов Ўзбекистонда соғлиқни сақлаш соҳасида амалга оширилаётган лойиҳалар, соҳанинг истиқболли йўналишлари ҳамда тиббиёт соҳасида ҳусусий секторнинг аҳамияти тўғрисида батафсил маълумотлар берди.

Маълумот учун: «Dr. Sulaiman Al Habib Medical Services Group» компанияси 1995 йилда ташкил этилган бўлиб, ҳозирги кунда  компаниянинг 20 та филиали мавжуд. Шунингдек компания томонидан 472 бўлинма ташкил этилган бўлиб, 11000 дан ортиқ иш ўрни яратилган.

ССП Ахборот-хизмати