"Ҳар бир тадбиркор-ёшларга мададкор" тамойили асосида "Ёшлар:1+1" дастури доирасида бир хафталик ўқув курслари бошланди

Ўзбекистон Республикаси Президенти томонидан 2020 йил 25 декабрь куни  ўтказилган “Ўзбекистон ёшлар форуми”да ёшларда ижобий мотивация, бизнес ва тадбиркорликка кенг жалб қилиш ва бандлигини таъминлаш бўйича  “Ҳар бир тадбиркор-ёшларга мададкор” шиори остидаги ташаббуси қўллаб қуватланган эди.

Ушбу ташаббус доирасида айни кунларда ҳудудларда ишсиз ва уюшмаган ёшларни касб-хунар ва тадбиркорлик кўникмаларига ўқитиш бўйича, ҳар бир тадбиркорга бир нафар ишсиз ёшни бириктириш ишлари ташкил этилди.

Савдо-саноат палатаси биносида "Ҳар бир тадбиркор-ёшларга мададкор" тамойили асосида 1+1 дастури доирасида Миробод тумани ишсиз ва уюшмаган ёшларини касб-ҳунар ва тадбиркорликка ўқитиш бўйича бир хафталик ўқув курслари бошланди. Мазкур, ўқув курси 6 кунлик 48 соатдан иборат бўлиб, унга "Ёшлар дафтари"га киритилган ишсиз ёшлар жалб қилинган. Ёшларга бизнесга кириш йўллари, тадбиркорликни ташкил этиш ва унинг ҳуқуқий асослари ҳамда бизнес-режани қандай ишлаб чиқиш тўғрисида маълумотлар бериб борилади.       

Савдо-саноат палатаси, Миробод туман ҳокимлиги, Ёшлар ишлари агентлиги тумани бўлими, Савдо-саноат палатаси туман бўлими масъуллари, иқтисодий комплекс ташкилотлар мутассаддилари  томонидан ёшларга маҳорат дарслари ҳам ташкил этилмоқда.

ССП Ахборот-хизмати