Чет элдан буғдой импорт қилувчи ва ун ишлаб чиқарувчи тадбиркорлик субъектлари диққатига!

Ўзбекистон Савдо-саноат палатаси ҳамда “Республика товар-хом ашё биржаси” АЖ билан биргаликда четдан буғой импорт қилувчи ҳамда маҳаллий ун ишлаб чиқарувчи корхоналарга қулай шароит яратиш мақсадида ҳамда чет элга чиқмасдан, қўшимча ҳаражат ва вақт йўқотмасликлари учун “Республика товар-хом ашё биржаси” АЖ томонидан хорижий йирик ишлаб чиқарувчиларга биржа савдоларига тўғридан-тўғри маҳсулотларни қўйилиши жорий этилган.

Бугунги кунда Ўзбекистон республика товар-хом ашё биржасида ун, ўсимлик ёғи, буғдой ва шакар маҳсулотларини ишлаб чиқарувчи йирик хорижий компанияларни биржага жалб этиш бўйича тизимдан рўйхатдан ўтиш соддалаштирилди (аризанинг ўзи етарли), савдоларда иштирок этиш учун кафолат суммаси бекор қилинди ва хорижий компаниялар комиссион йиғимлардан озод этилди.

Шунингдек, ушбу биржа орқали тадбиркорлар маҳсулотларини четдан импорт қилишда халқаро темир йўл ташувларида ҳам “Ўзбекистон темир йўллари” АЖ томонидан Ўзбекистон ички ташувларида ўрнатилган ставкалар қўлланилади.

Товар-хом ашё биржасида иштирок этиш бўйича қўшимча маълумотлар олиш юзасидан Республика товар-хом ашё биржаси” АЖнинг масъул ходими Иброгимов Исломбекга 71-207-00-33 (10-02) рақамлари орқали мурожаат қилишингиз мумкин.

ССП Матбуот хизмати