2021 йилги давлат дастурида Ўзбекистон Савдо-саноат палатаси жалб қилинган бандлар бўйича маълумот

Ўзбекистон Савдо-саноат палатаси Давлат дастурининг 12 та бандининг ижросини таъминлашга жалб қилинган бўлиб, шундан 2 та банд бўйича асосий ижрочи сифатида қайд қилинган.

Давлат дастурининг 31, 35, 65, 75, 76, 79, 84, 88, 186, 187-бандларида Палата ҳамкорлиги талаб қилинади. Шунингдек, 162 ва 163-бандларнинг ижросини таъминлашда Палата бевосита масъул ҳисобланади.

Дастурнинг 31-бандида: Бизнес-омбудсманнинг маъмурий ҳуқуқбузарликни расмийлаштириш бўйича ваколатларини аниқлаш белгиланган бўлиб, ушбу банд ижросини таъминлаш бўйича 2021 йилнинг 1 майига қадар Ўзбекистон Республикаси Қонун лойиҳаси ишлаб чиқиш керак. Банд бўйича ижрочилар Бизнес-омбудсман, Адлия вазирлиги, Иқтисодий тараққиёт вазирлиги ва Савдо-саноат палатаси.

Дастурнинг 35-бандида: Техник жиҳатдан тартибга солиш соҳасидаги тадбиркорлик фаолиятига бевосита таъсир кўрсатадиган ҳужжатларни тизимлаштириш бўйича норматив-ҳуқуқий ҳужжат лойиҳаси 2021 йил 1 августга қадар Адлия вазирлиги, Монополияга қарши курашиш қўмитаси, Ўзстандарт агентлиги, Савдо-саноат палатаси ва вазирлик ва идоралар томонидан ишлаб чиқилиши белгиланган.

Дастурнинг 65-бандида: Нобанк ва бошқа молиявий ташкилотлар шарҳини шакллантириш бўйича статистик ҳисоботларни юритиш қоидаларини ишлаб чиқиш юзасидан Вазирлар Маҳкамаси қарори лойиҳаси 2021 йил 1 майга қадар киритилиши белгиланган. Ижрочилар сифатида Марказий банк, Молия вазирлиги, Давлат статистика қўмитаси, Савдо-саноат палатаси, Адлия вазирлиги бириктирилган.

Дастурнинг 75-бандида: Инвестициялар ва ташқи савдо вазирлиги, Иқтисодий тараққиёт вазирлиги, Ташқи ишлар вазирлиги, Божхона қўмитаси, Савдо-саноат палатаси, Ахборот технологиялари вазирлиги амалий чора-тадбирларни белгилаш асосида йил давомида МДҲга аъзо давлатлар ўртасида электрон саноат кооперация алоқаларини ташкил этиш ва кенгайтириш вазифаси юклатилган.

Дастурнинг 76-бандида: Йил давомида амалий чора-тадбирлар асосида Иқтисодий тараққиёт вазирлиги, Савдо-саноат палатаси ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳудудий, тармоқ ва Республика миқёсидаги саноат ярмаркаларини ташкил этиш ва ўтказиши белгиланган.

Дастурнинг 79-бандида: Ҳудудларни ижтимоий-иқтисодий ривожлантиришни рейтинг баҳолаш борасида тизимли мониторинг ўрнатиш ва назоратини амалга ошириш ҳамда такомиллаштириш белгиланган бўлиб, амалий чора-тадбирлар дастури асосида йил давомида ушбу вазифани амалга ошириш режалаштирилган.

Ижрочилар сифатида Иқтисодий тараққиёт вазирлиги, Молия вазирлиги, Марказий банк, тижорат банклари, Бандлик ва меҳнат муносабатлари вазирлиги, Инвестициялар ва ташқи савдо вазирлиги, Маҳалла ва оилани қўллаб-қувватлаш вазирлиги, Давлат солиқ қўмитаси, Давлат статистика қўмитаси, Давлат божхона қўмитаси, Бизнес-омбудсман, Савдо-саноат палатаси масъул ҳисобланади.

Дастурнинг 84-бандида: Тадбиркорлик фаолияти билан боғлиқ норматив-ҳуқуқий ҳужжатларни қайта кўриб чиқиб, Тадбиркорлик кодекси лойиҳасини ишлаб чиқиш режалаштирилган.

Тадбиркорлик кодекси Адлия вазирлиги, Савдо-саноат палатаси, Бизнес-омбудсман, Иқтисодий тараққиёт вазирлиги ва Солиқ қўмитаси томонидан тайёрланиб, Ўзбекистон Республикаси қонуни лойиҳаси 2021 йил 1 октябрга қадар киритилиши белгиланган.

Дастурнинг 88-банд: Бандлик ва меҳнат муносабатлари вазирлиги, Молия вазирлиги, Маҳалла ва оилани қўллаб-қувватлаш вазирлиги, Ёшлар ишлари агентлиги, Иқтисодий тараққиёт вазирлиги, Савдо-саноат палатаси, Адлия вазирлиги 2021 йил 1 апрелга қадар Ишсиз аҳолини тадбиркорликка ва ўзини ўзи банд қилиб ишлаш фаолиятига жалб қилиш бўйича номатив-ҳуқуқий ҳужжат лойиҳасини ишлаб чиқиш вазифаси топширилган.

Дастурнинг 162-бандида: “Ёшлар: 1+1” дастури доирасида уюшмаган ва ишсиз ёшларни касб-ҳунар ва тадбиркорликка ўқитиш вазифасини чора-тадбирлар дастури асосида йил давомида амалга оширишга Савдо-саноат палатаси, “Ҳунарманд” уюшмаси, Бандлик ва меҳнат муносабатлари вазирлиги, Ёшлар ишлари агентлиги ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бириктирилган.

Дастурнинг 163-бандда: Амалий чора-тадбирларни белгилаб, “Ҳар бир тадбиркор – ёшларга мададкор” тамойили асосида кўнгилли тадбиркорларни жалб этган ҳолда 1 нафар тадбиркорга 1 нафардан ишсиз ёшларни бириктириш ташаббусини амалга ошириш белгиланган.

Ушбу вазифа ҳам йил давомида амалга оширилиши режалаштирилган бўлиб, ижрочи ташкилотлар сифатида Савдо-саноат палатаси, Ёшлар ишлари агентлиги масъул сифатида бириктирилган.

Дастурнинг 186-бандида: Ҳамшира ва фельдшерларнинг обрўси ва мавқеини ошириш мақсадида “ҳамширалик иши” билан мустақил шуғулланиш учун рухсат бериш бўйича 2021 йил 1 июлга қадар норматив-ҳуқуқий ҳужжат лойиҳасини киритиш лозим. Бу бандни ижрочилари Соғлиқни сақлаш вазирлиги,  Бандлик ва меҳнат муносабатлари вазирлиги, Савдо-саноат палатаси ва Адлия вазирлиги ҳисобланади.

Дастурнинг 187-бандида: Олис ва чекка ҳудудларда бирламчи ва ихтисослашган тиббий ёрдам кўрсатиш ва эҳтиёжманд аҳоли учун скрининг ва даволаш тадбирларига хусусий шифохоналарни жалб этиш ва уларга субсидия ажратиш белгиланган.

Банд ижрочилари Соғлиқни сақлаш вазирлиги, Молия вазирлиги ва Савдо-саноат палатаси амалий чора тадбирларни белгилаб, йил давомида вазифани амалга ошириши лозим.

ССП Матбуот хизмати