Фарғона вилоятида ҳунармандчилик фаолияти.

Жорий йил 4-5 февраль кунлари Ўзбекистон Республикаси Президенти Ш.М.Мирзиёев Фарғона вилоятига ташриф буюрди.Ташриф давомида Давлат раҳбари Риштон туманида қад ростлаган “Ҳунармандлар шаҳарчаси”га борди ҳамда моҳир кулоллар билан суҳбатда бўлди.2020 йилнинг июнь ойида Фарғона вилоятига амалга оширган ташрифи давомида ҳам Президентимиз Марғилон шаҳридаги “Ҳунармандчилик маркази”га ташриф буюрган эди.

Бу эса ҳунармандчилик фаолияти мамлакатимиз Раҳбарининг алоҳида эътиборида эканлигини билдиради. Жумладан, сўнгги 3 йилда соҳани ривожлантириш мақсадида Президент томонидан 2 та Фармон,
3 та Қарор қабул қилинганлиги ҳам соҳага берилаётган алоҳида эътибор натижасидир.Ушбу Қарор ва Фармонлар асосида ҳунармандчилик фаолияти учун 1.0 трлн. сўмга яқин имтиёзли кредит маблағлари ажратилиши натижасида 175,3 минг нафар иш ўрни яратилди.

Фарғона вилоятидаги ҳунармандчилик соҳаси учун охирги 3 йилда 134.2 млрд. сўм миқодорида ажратилган имтиёзли кредит эвазига29.5 минг нафар иш ўрни яратилди.Фарғона вилоятидаги ҳунармандчилик фаолиятида эса “Ҳунармандчилик марказ”ларининг ўрни алоҳида. Ушбу вилоятнинг 13 та туман (шаҳар)ида “Ҳунармандчилик марказ”лари ташкил этилмоқда.Келгусидаги асосий вазифа2021 йилда вилоятдаги 7.4 минг нафар иш билан банд бўлмаган ёшларни “Устоз-шогирд” анъанаси доирасида ҳунармандларга бириктириш орқали бандлигини таъминлаш ва  5.9 минг нафар янги иш ўринлари яратишдир.

Фарғона вилоятида ҳунармандчилик соҳасини ривожлантириш мавзусига доир инфографика билан бу ерда танишишингиз мумкин.  

ССП Ахборот-хизмати