“Chamber Business Solutions” унитар корхонаси томонидан 2021 йил январь ойи давомида амалга оширилган ишлар тўғрисида маълумот

2021 йил январь ойи давомида Ўзбекистон Савдо-саноат палатасининг 150-60-06 ягона рақами ҳамда 1094  ишонч телефони орқали иш вақти ва иш вақтидан ташқари 1606 та қўнғироқ қабул қилинган.

Қуйида 2021 йил январь ойи давомида Савдо-саноат палатасига қўнғироқ қилган мурожаатчилар тўғрисида батафсил маълумот.

Тадбиркорлик субьектларидан келиб тушган қўнғироқлар сони ҳамда қўнғироқлар йўналиши - 852

 -Турли йўналишларда юридик маслаҳат бериш;

 -Хат масаласи (ижрочини аниқлаш);

 -Палатага аъзолик бўйича маслаҳат олиш;

 -Пандемия сабабли юзага келган муаммолар бўйича маслахат олиш;

 -Маҳаллий маҳсулотларни экспорт қилишга  кўмаклашиш бўйича маслаҳат;

 -Форс-мажор холатлари учун сертификат олиш;

 -Бизнесни интеграллашган холда қўллаб қувватлаш дастурида иштирок этиш бўйича маълумот;

 -Аъзолик гувохномаси тайёр бўлганлигини аниқлаштириш масаласи билан мурожаат этишган.

Хорижий давлатлар томонидан келиб тушган қўнғироқлар сони – 17 ва қуйидаги масалаларда:

 -Хат масаласи (ижрочини аниқлаш);

 -Ўзбекистон Республикасида фаолият олиб борадиган корхоналар билан ўзаро хамкорлик қилиш бўйича мълумот олиш;

Ўзбекистон Республикаси Бош вазирининг “Тадбиркорлар мурожаатларини кўриб чиқиш бўйича виртуал қабулхонаси”га 2021 йилнинг январь ойи давомида келиб тушган мурожаатлар тўғрисида маълумот

Ўзбекистон Республикаси Бош вазирининг “Тадбиркорлар мурожаатларини кўриб чиқиш бўйича қабулхонаси”нинг ишонч рақамларига 2021 йилнинг январь ойи давомида умумий ҳисобда 3 089 та қўнғироқ келиб тушган бўлиб, шундан тадбиркорлик фаолиятининг турли масалаларига доир 1 345 та мурожаат рўйхатга олинган. Мазкур мурожаатлардан, 1 023 та мурожаат иш вақтида келиб тушган бўлса, 322 та мурожаат иш вақтидан ташқари қолдирилган. январь ойида келиб тушган.

Тадбиркорлик субъектларининг қолдирган мурожаатларидан ташқари турли йўналишларда маслаҳат ёки қолдирган мурожаатларининг ижро ҳолатини сўраб, шу билан биргаликда ижтимоий, иқтисодий, шахсий саволлари билан қўнғироқ қилган мурожаатчилар ҳам мавжуд бўлиб умумий ҳисобда бу тартибдаги қўнғироқлар сони январь ойида 1 744 тани ташкил қилади.

2021 йил январь оийда Ўзбекистон Республикаси Савдо-саноат палатаси ҳамда Бирлашган Миллатлар Ташкилотининг Тараққиёт Дастури билан ҳамкорликда COVID-19 пандемияси сабабли юзага келган карантин ҳолатининг тадбиркорлик субъектларининг фаолиятига салбий оқибатларини юмшатиш мақсадида ташкил этилган “Бизнес-клиника” лойиҳаси доирасида 1094 рақамига тадбиркорлик субъектлари томонидан келиб тушган карантин ҳолати туфайли фаолиятида зарар кўраётган тадбиркорлар томонидан қўнғироқларнинг асосий йўналишлари қуйидагича:

Январь ойи давомида Ўзбекистон Савдо-саноат палатаси ҳамда Бирлашган Миллатлар Ташкилотининг Тараққиёт Дастури билан ҳамкорликда ташкил этилган “Бизнес-клиника” лойиҳаси доирасида 6 та вебинар ташкил қилинган.

Саноат корхоналарида ўтказилган ўрганиш натижаси, аниқланган масалалар, улар бўйича хизмат кўрсатилишини ташкиллаштиришга доир ҳисобот

Таҳлилларга кўра, 2021 йил январь ой давомида 1937 та корхонага чиқиш белгиланган бўлиб, 31.01.2021 йил ҳолатига кўра, шундан жами 1157 та корхонага чиқилган.

Шунингдек, ўтказилган сўровномаларда 1157 та корхоналарга ташриф қилинган бўлиб, сўровномаларда келтирилган саволларга ўз фикрини билдирган тадбиркорлик субъектлари сони 415 та ва улар томонидан 1182 та масала билдирилган. Масалаларни қайд этган саноат корхоналари контакт реквизитларининг тўғрилиги телефон орқали текширилганда қуйидаги тартиб бузилиш ҳолатлари аниқланди:

 -ўрганиш ўтказилган саноат корхоналарининг контакт рақамларининг нотўғрилиги;

 -сўровномада қайд этилган тадбиркорлар билан боғланилганда улар томонидан ушбу сўровнома тўлдирилмаганлик ҳолатлари;

 -сўровномада муаммо кўрсатилмаган лекин тадбиркор билан боғланилганда муаммоси борлиги аниқланди;

 -сўровноманинг телефон орқали тўлдирилганлик ҳолатлари;

 -сўровномада белгиланган муаммо аслида корхонада мавжуд эмаслиги;

 -сўровнома анча аввал ўтказилганлиги, баъзи қайд этилган муаммоларнинг деярли ҳал бўлганлиги маълум бўлди.

2021 йил январь ойи мобайнида ўтказилган сўровномаларда белгиланган муаммоларнинг вилоятлар кесимидаги 31.01.2021 санаси ҳолатига кўра умумий статистикаси

Режа бўйича январь мобайнида 1937 та корхонада сўровнома ўтказиш белгиланган бўлиб, улардан  1190 тасида сўровнома ўтказилган бўлиб, текшириш мақсадида ташриф қилинган корхоналар билан боғланиш натижасида 1157 та (100%) корхонадан 710 тасида (61,4%) сўровномаларда қайд этилган маълумотларнинг, белгиланган муаммоларнинг тўғри эканлиги тасдиқланди, 314 тасида (0,3%) тўлдирган сўровномаларда телефон рақамлари нотўғри кўрсатилган, 111 та (0,1%)   корхонада ўтказилган сўровномаларда муаммолар қайд этилмаган, лекин телефон орқали боғланилганда муаммоси борлиги аниқланди, 40 та корхона  (0,1%) сўровномасида муаммолар кайд қилинган, лекин ушбу корхона билан телефон орқали боғланилганда аслида муаммоси йўқлиги маълум бўлди, бундан ташқари, баъзи тадбиркорларнинг сўровномада қайд килинган муаммоларидан бир қисми ҳал бўлганлиги аниқланди.

ССП Ахборот-хизмати