Маҳаллий тадбиркорлар билан Венгрияда ташкил этиладиган бизнес форумда қатнашиш масалалари муҳокама қилинди.

Жорий йилнинг 17 февраль куни Венгрия давлатида Ўзбекистон-Венгрия бизнес форуми ташкил этилмоқда.

 Шу муносабат билан 12 февраль куни Савдо-саноат палатасида мазкур бизнес форумда иштирок этиши режалаштирилган маҳаллий тадбиркорлик субъектлари билан онлайн учрашув ташкил этилди.

Учрашувда Савдо-саноат палатаси томонидан бўлиб ўтадиган бизнес форумнинг аҳамияти, форумда иштирок этиш тартиби тўғрисида тадбиркорлар билан суҳбат ўтқазилди.      

 Шунингдек тадбиркорлар томонидан форумда қатнашиш масалаларига доир бир қатор саволлар ва таклифлар берилди. Венгрия давлатига бўладиган ташриф кун тартибидаги масалалар муҳокама қилинди.

Венгрияда бўлиб ўтадиган бизнес-форумда иштирок этиш ҳамда Венгриялик тадбиркорлар билан ўзаро ҳамкорликни йўлга қўйиш мақсадида мамлакатимиздан 30 га яқин маҳаллий тадбиркорлар ҳамда расмий делегация вакиллари 17 февраль куни Будапешт шаҳрига ташриф буюришади.

Маълумот учун: 2020 йил якунлари бўйича икки мамлакат ўртасидаги ўзаро товар айланмаси 109,3 миллион долларни ташкил этмоқда. Шунингдек ҳозирги кунда мамлакатимизда  Венгрия давлати  иштирокидаги 10 та корҳона фаолият юритаётган бўлиб, улардан 6 таси қўшма ҳамда 4 таси 100% ҳорижий капитал иштирокидаги корхоналардир.

ССП Ахборот-хизмати