Mahalliy tadbirkorlar bilan Vengriyada tashkil etiladigan biznes forumda qatnashish masalalari muhokama qilindi.

Joriy yilning 17 fevral kuni Vengriya davlatida Oʼzbekiston-Vengriya biznes forumi tashkil etilmoqda.

 Shu munosabat bilan 12 fevral kuni Savdo-sanoat palatasida mazkur biznes forumda ishtirok etishi rejalashtirilgan mahalliy tadbirkorlik subyektlari bilan onlayn uchrashuv tashkil etildi.

Uchrashuvda Savdo-sanoat palatasi tomonidan boʼlib oʼtadigan biznes forumning ahamiyati, forumda ishtirok etish tartibi toʼgʼrisida tadbirkorlar bilan suhbat oʼtqazildi. 

Shuningdek tadbirkorlar tomonidan forumda qatnashish masalalariga doir bir qator savollar va takliflar berildi. Vengriya davlatiga boʼladigan tashrif kun tartibidagi masalalar muhokama qilindi.

Vengriyada boʼlib oʼtadigan biznes-forumda ishtirok etish hamda Vengriyalik tadbirkorlar bilan oʼzaro hamkorlikni yoʼlga qoʼyish maqsadida mamlakatimizdan 30 ga yaqin mahalliy tadbirkorlar hamda rasmiy delegatsiya vakillari 17 fevral kuni Budapesht shahriga tashrif buyurishadi.

Maʼlumot uchun: 2020 yil yakunlari boʼyicha ikki mamlakat oʼrtasidagi oʼzaro tovar aylanmasi 109,3 million dollarni tashkil etmoqda. Shuningdek hozirgi kunda mamlakatimizda  Vengriya davlati ishtirokidagi 10 ta korhona faoliyat yuritayotgan boʼlib, ulardan 6 tasi qoʼshma hamda 4 tasi 100% horijiy kapital ishtirokidagi korxonalardir.

SSP Аxborot-xizmati