Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатаси Навоий вилояти ҳудудий бошқармасига унинг аъзоси “Xatirchipaxtatozalash” АЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“Xatirchipaxtatozalash” АЖ мурожаати ўрганиб чиқилганда, жамиятга тегишгли бўлган 1.0 гектар ер майдони  Хатирчи туман ҳокимлигининг Қ-718 сонли қарори билан асоссиз равишда туман захирасига олиб қуйилганлиги аниқланди. 

Туман ҳокимлигининг ер майдонини туман заҳирасига олиб қуйиш туғрисидаги қарорини ҳақиқий эмас деб топиш юзасидан Савдо-саноат палатаси томонидан Палата аъзоси манфаатида судга даъво аризаси билан мурожаат қилинган.

Навоий туманлараро маъмурий судининг ҳал қилув қарори билан Туман ҳокимининг 2020 йил 5 майдаги “Xatirchipaxtatozalash” АЖга тегишли ер майдонини туман захира ерлар ҳисобига қайтариб олиш тўғрисидаги Қ-718 сонли қарори ҳақиқий эмас деб топилиб, Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати