Ўзбекистон Савдо-саноат палатаси томонидан яна бир тадбиркорнинг ҳуқуқ ва қонуний манфаатлари ҳимоя қилинди

Ўзбекистон Савдо-саноат палатаси Навоий вилояти ҳудудий бошқармасига унинг аъзоси “Таянч қурилиш сервис” МЧЖ мурожаат қилиб, ҳуқуқ ва қонуний манфаатларини ҳимоя қилишда амалий ёрдам сўраган.

“Таянч қурилиш сервис” МЧЖ мурожаати ўрганиб чиқилганда, жамият ва Қизилтепа туман ҳокимлиги ўртасида қиймати 407.605.520 сўмлик шартнома имзоланганлиги ва жамият шартнома шартлари тўлиқ бажарган бўлишига қарамасдан туман ҳокимлиги томонидан бажарилган иш учун тўлов ўз вақтида амалга оширилмаганлиги аниқланди.

Туман ҳокимлигининг шартнома шартларини ўз вақтида бажармаганлиги юзасидан Савдо-саноат палатаси томонидан Палата аъзоси манфаатида судга даъво аризаси билан мурожаат қилинган.

Кармана туманлараро иқтисодий судининг ҳал қилув қарори билан туман ҳокимлигидан “Таянч қурилиш сервис” МЧЖ фойдасига 407.605.520 сўм миқдорида қарздорлик ундириб берилган ва, шу тариқа, Палата аъзосининг ҳуқуқ ва қонуний манфаатлари ҳимоя қилинган.

ССП Ахборот-хизмати