"Cавдо уйлари, Марказий Осиёда зираворлар ва қўшимча таъм берувчи воситалар савдоси тарихи" мавзусида семинар

Ўзбекистон Республикаси Президентининг 2020 йил 10 апрель, ПҚ-4670-сонли қарорига кўра Республикада сўнгги йилларда доривор ўсимликларни муҳофаза қилиш, табиий ресурслардан оқилона фойдаланиш, доривор ва зиравор ўсимликлар етиштириладиган плантациялар ташкил этиш ва уларни қайта ишлаш борасида изчил ислоҳотлар амалга оширилмоқда.

Жорий йилнинг 30 июнь куни Ўзбекистон Савдо-саноат палатаси “Доривор ва зиравор ўсимлик етиштирувчиларни қўллаб-қувватлаш” бўлими Мирзо Улуғбек номидаги Ўзбекистон Миллий университети “Ўзбекистон тарихи” кафедраси билан ҳамкорликда Савдо-саноат палатаси Зангиота тумани ҳудудий бошқармаси ҳузурида “Темир дафтар”, “Ёшлар дафтари” ва “Аёллар дафтари”га киритилган аҳолига "Cавдо уйлари, Марказий Осиёда зираворлар ва қўшимча таъм берувчи воситалар савдоси тарихи" мавзусида семинар ташкил этилди.

Семинарга Савдо-саноат палатасининг барча ҳудудий бошқармалари ҳузуридаги ўқув марказида таҳсил олаётган ёшлар онлайн иштирок этишди.

Буюк ипак йўлида доривор ва зиравор ўсимликлар савдоси тарихи тадқиқодчиси Каримова Наргиза Икрамовна олиб борилган тадқиқотлар бўйича маъруза билан қатнашдилар.

Семинарда доривор ва зираворлар ўсимликларнинг етиштирилиши ва савдоси тарихи, савдо уйлари ва уларнинг истиқболлари, Ўзбекистонда зираворлар савдоси ва туризм истиқболлари ҳамда ушбу соҳада олиб борилаётган ишлар ва соҳани ривожлантиришга берилаётган имтиёзлар ҳақида керакли маълумотлар берилди.

ССП Матбуот хизмати