Тошкент туманида “Аёллар дафтари”га киритилган хотин-қизларни “Бизнес яратиш йўлида етти қадам” тамойили асосида ўқитиш курслари ташкил этилди.

Тошкент туманида “Аёллар дафтари”га киритилган  тадбиркорлик  фаолиятига қизиқиш билдирган хотин-қизларни “Бизнес яратиш йўлида етти қадам” тамойили асосида  ўқитиш йўлга қўйилди.

Мазкур ўқув курслари 12 кунлик 48 соатга мўлжалланган бўлиб, дастурлаштирилган дарслар давомида тингловчиларга ишбилармонлик ва тадбиркорлик нинг йўл-йўриқлари, иш юритишнинг инновацион усуллари ўргатилади. Шунингдек амалиёт дарслари ҳам мавжуд бўлиб, амалиёт дарсларида хотин-қизлар саноат корхоналарида бўлиб, тажрибали тадбиркорларнинг иш фаолияти билан танишадилар.

Машғулотларни муваффақиятли тамомлаган хотин-қизлар имтиёзли кредит олиш маҳсус сертификатлар билан тақдирланадилар.

Тадбиркорликни ривожлантиришга бўлган бундай эътибор келгусида хотин-қизлар ўртасида бизнес яратиш йўлида дадил қадам ташлашга кенг имкон яратади.

ССП Ахборот-хизмати