Китоб туманида навбатдаги сайёр қабул бўлиб ўтди.

Жорий йилнинг 17 август куни Китоб тумани Истироҳат боғида бўлиб ўтган сайёр қабул давомида аҳолимизнинг уй-жой таъмири ва қурилиш ишлари билан боғлиқ масалалари ўрганилди. Унда туман ҳокими Алишер Закиров ҳам бевосита иштирок этиб, 30 дан ортиқ фуқароларимизнинг соҳага доир муаммоларини кўриб чиқди. Ижтимоий ҳимояга муҳтож оилаларнинг яшаш шароитлари ва жорий ҳолати инобатга олиниб, уларга зарурий қурилиш материаллари олиб берилиши белгиланди.

Китоб тумани раҳбарлари «Сумак» қишлоғида бўлишди.

Китоб тумани ҳокими Алишер Закиров, туман ИИБ бошлиғи, 3-сектор раҳбари, ДХХ вакиллари, туман ҳокими ўринбосарлари, «Шаҳрисабз-Китоб қоракўлчилик кластри» МЧЖ масъуллари туман марказидан қарийб 40 км узоқликдаги «Тевабоши» МФЙнинг «Сумак» қишлоғида бўлишди. Бу ерда қишлоқ аҳлининг бир неча йиллик муаммоси ҳисобланган яйлов масаласи муҳокама қилинди. Аҳолининг фикрлари тингланиб, бу бўйича соҳа ходимларининг ўрганишлари якунига етганидан кейин сўнгги хулоса аҳоли вакилларига маълум қилинишига келишилди.

ССП Матбуот хизмати