Бекобод шаҳрида ёшларни тадбиркорлик асосларига ўқитиш давом этмоқда

Бекобод шаҳрида”Ёшлар дафтари”га киритилган, тадбиркорлик фаолиятига қизиқиш билдирган ёшларни  “Ҳар бир тадбиркор-ёшларга мададкор” тамойили асосида “Ёшлар: 1+1” дастури доирасида ташкил қилинган тадбиркорлик асослари ўқув курсининг 8-гуруҳ ёшларига мутассадди ташкилотлар малакали ҳодимлари томонидан бизнесга йўналтириш бўйича дарслар мунтазам ўтилмоқда.

Навбатдаги дарс давомида Бекобод шаҳар Давлат Хизматлари Маркази раҳбари У.Мирзаев ёшларга тадбиркорлик субъектларини давлат рўйхатидан ўтказиш тартиби тўғрисида тушунча берди.  Дарс жуда қизиқарли мунозараларга бой тарзда ўтказилди.

Дарсдан  сўнг  Бекобод шаҳар  ДХМ раҳбари ва ССП Тошкент вилояти бошқармаси тасарруфидаги Тадбиркорликка кўмаклашиш маркази шаҳар бўлинмаси раҳбари  ёшларни Давлат хизматлари марказига  амалиётга  олиб боришди. Ёшлар тадбиркорлик субъектларини давлат рўйхатидан ўтказиш тартиби тўғрисида дарс давомида  олган билимларини амалиётда янада мустаҳкамладилар.

ССП Ахборот-хизмати