Жиззах вилоятида ёшларни тадбиркорлик асосларига ўқитиш давом этмоқда

Ўзбекистон Республикаси Савдо-саноат палатаси Жиззах вилоят ҳудудий бошқармаси қошида ташкил этилган, “Жиззах бизнес мактаби” НТМ билан хамкорликда, мухтарам Президентимизнинг 2020-йил 13 октябрдаги ПҚ-4862-сонли ”Ахолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида” ги қарори билан тасдиқдан ўтган “Ҳар бир тадбиркор-ёшларга мададкор” тамойили дастури доирасида ташкил қилинган тадбиркорлик асослари ўқув курслари 48-соатни ташкил этади. Ўқув курсларини битирган ёшлар ва аёллар “Жиззах бизнес мактаби” НТМ дан махсус сертификатлар олишлари мумкун. Махсус сертификат билан Халқ банки, Микрокредит банк ва Агро банкларидан тегишли тартиб асосида таъминотсиз 33 000 000 сўм миқдоргача, таьминот билан 225 000 000 сўм миқлоргача имтиёзли кредитлар олишлари мумкин.

Жорий йилнинг бошидан то хозирги кунга қадар Жиззах вилоятида ушбу дастур бўйича 30 ёшга тўлмаган йигит ва қизлардан жами 4342 нафари табдиркорлик ва бизнес курсларини битириб махсус сертификатларга эга бўлишди ва улардан 1147 нафар ёшлар умумий ҳисобда 27 760 000 000 сўм миқдорда имтиёзли кредитлар олишган. Хозирда улар паррандачилик, қуёнчилик, чорвачилик, иссиқхоначилик, хунармандчилик, беданачилик, балиқчилик, тикувчилик, боғдорчилик, асаларичилик каби йўналишларда фаолият юритмоқдалар.

ССП Ахборот-хизмати