“Доривор ўсимликлар етиштириш ва хом ашёларини тайёрлаш бўйича” ўқув курсини тамомлаган ёшларга сертификатлар топширилди

Республикада сўнгги йилларда доривор ўсимликларни мухофаза қилиш, табиий ресурслардан оқилона фойдаланиш, доривор ўсимликлар етиштириладиган плантациялар ташкил этиш ва уларни қайта ишлаш, доривор ўсимликлар етиштирувчи ва қайта ишловчи фермер хўжаликлари, ташкилотлар ва бошқа субъект раҳбарлари ва мутахассисларнинг малакасини ошириб бориш борасида изчил ислоҳатлар олиб борилмоқда.

Хусусан, Ўзбекистон Республикаси Президентининг 2020 йил 10 апрелдаги “Ёввойи ҳолда ўсувчи доривор ўсимликларни муҳофаза қилиш, маданий ҳолда етиштириш, қайта ишлаш ва мавжуд ресурслардан оқилона фойдаланиш чора-тадбирлари тўғрисида” ги ПҚ-4670-сонли қарори хамда Ўзбекистон Республикаси Президентининг 2020 йил 26 ноябрдаги “Доривор ўсимликларни етиштириш ва қайта ишлаш, уларнинг уруғчилигини йўлга қўйишни ривожлантириш бўйича илмий тадқиқотлар кўламини кенгайтиришга оид чора-тадбирлар тўғрисида” қарорлари қабул қилинган.

Ушбу қарорлар ижросини таъминлаш хамда дориворчилик соҳасини янада ривожлантириш мақсадида Ўзбекистон Республикаси Ўрмон хўжалиги давлат қўмитаси Доривор ўсимликларни етиштириш ва қайта ишлаш илмий-ишлаб чиқариш маркази хамда Ўзбекистон Савдо-саноат палатаси Доривор ва зиравор ўсимлик етиштирувчиларни қўллаб-қувватлаш бўлими билан ҳамкорликда доривор ўсимлик етиштирувчи ташаббускор субъектлар ва  томорқа ер эгалари учун мўжалланган “Доривор ўсимликлар етиштириш ва хом ашёларини тайёрлаш бўйича” малака  ошириш ўқув курсини Андижон ва Қашқадарё вилоятида ушбу соҳага қизиққан, ўз билим ва кўникмаларини ошириш истагида бўлган “Ёшлар: 1+1” дастури доирасида уюшмаган ва ишсиз, “Ёшлар дафтари” “Аёллар дафтари” ва “Темир дафтари” га киритилган 30 нафар фуқаролар ўқув кўрсини тамомлади.

Ўқув курсини тамомлаган фуқароларга  “Доривор ўсимликлар етиштириш ва хом ашёларини тайёрлаш бўйича” Ўзбекистон Савдо-саноат палатаси биринчи ўринбосари И. Жасимов ва Ўрмон хўжалиги давлат қўмитаси ўринбосари Ш. Усмонов томонидан имзоланган сертификатлар тақдирлаш учун юборилди.

ССП Ахборот-хизмати