“Dorivor oʼsimliklar etishtirish va xom ashyolarini tayyorlash boʼyicha” oʼquv kursini tamomlagan yoshlarga sertifikatlar topshirildi

Respublikada soʼnggi yillarda dorivor oʼsimliklarni muxofaza qilish, tabiiy resurslardan oqilona foydalanish, dorivor oʼsimliklar yetishtiriladigan plantatsiyalar tashkil etish va ularni qayta ishlash, dorivor oʼsimliklar yetishtiruvchi va qayta ishlovchi fermer xoʼjaliklari, tashkilotlar va boshqa subʼekt rahbarlari va mutaxassislarning malakasini oshirib borish borasida izchil islohatlar olib borilmoqda.

Xususan, Oʼzbekiston Respublikasi Prezidentining 2020 yil 10 apreldagi “Yovvoyi holda oʼsuvchi dorivor oʼsimliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari toʼgʼrisida” gi PQ-4670-sonli qarori xamda Oʼzbekiston Respublikasi Prezidentining 2020 yil 26 noyabrdagi “Dorivor oʼsimliklarni yetishtirish va qayta ishlash, ularning urugʼchiligini yoʼlga qoʼyishni rivojlantirish boʼyicha ilmiy tadqiqotlar koʼlamini kengaytirishga oid chora-tadbirlar toʼgʼrisida” qarorlari qabul qilingan.

Ushbu qarorlar ijrosini taʼminlash xamda dorivorchilik sohasini yanada rivojlantirish maqsadida Oʼzbekiston Respublikasi Oʼrmon xoʼjaligi davlat qoʼmitasi Dorivor oʼsimliklarni yetishtirish va qayta ishlash ilmiy-ishlab chiqarish markazi xamda Oʼzbekiston Savdo-sanoat palatasi Dorivor va ziravor oʼsimlik yetishtiruvchilarni qoʼllab-quvvatlash boʼlimi bilan hamkorlikda dorivor oʼsimlik yetishtiruvchi tashabbuskor subʼektlar va  tomorqa yer egalari uchun moʼjallangan “Dorivor oʼsimliklar etishtirish va xom ashyolarini tayyorlash boʼyicha” malaka  oshirish oʼquv kursini Аndijon va Qashqadaryo viloyatida ushbu sohaga qiziqqan, oʼz bilim va koʼnikmalarini oshirish istagida boʼlgan “Yoshlar: 1+1” dasturi doirasida uyushmagan va ishsiz, “Yoshlar daftari” “Аyollar daftari” va “Temir daftari” ga kiritilgan 30 nafar fuqarolar oʼquv koʼrsini tamomladi.

Oʼquv kursini tamomlagan fuqarolarga  “Dorivor oʼsimliklar yetishtirish va xom ashyolarini tayyorlash boʼyicha” Oʼzbekiston Savdo-sanoat palatasi birinchi oʼrinbosari I. Jasimov va Oʼrmon xoʼjaligi davlat qoʼmitasi oʼrinbosari Sh. Usmonov tomonidan imzolangan sertifikatlar taqdirlash uchun yuborildi.

SSP Axborot-xizmati