Қибрай туманида навбатдаги очиқ мулоқот бўлиб ўтди.

Қибрай туманида маҳаллий тадбиркорлик субъектлари  ва тадбиркорлик билан шуғулланиш истагида бўлган аҳоли вакилларини ҳар томонлама қўллаб-қувватлаш, уларнинг муаммоларини ўрганиш мақсадида сектор раҳбарлари иштирокида навбатдаги очиқ мулоқот бўлиб ўтди.

Очиқ мулоқотда 20 дан ортиқ тадбиркор, ёшлар ва аҳоли вакилларининг турли соҳалардаги мурожаатлари тингланди. Аксарият мурожаатлар хусусан вақтинчалик фойдаланиш учун ер ажратиш ҳамда кредит олишдаги муаммолар бўлиб, уларнинг бир нечтасига жойида ечим топилиб, масъулларга аниқ вазифалар берилди ва ижроси сектор раҳбарлари назоратига олинди.

Қонуний жиҳатдан қаноатлантириш имконияти мавжуд бўлмаган мурожаатлар бўйича тадбиркорларга тушунчалар берилди, ҳамда лойиҳаларини такомиллаштириш бўйича амалий ёрдам берилишига келишилди.

ССП Ахборот-хизмати