Савдо-саноат палатаси раиси Венгриянинг "Urban" қандолатчилик фабрикаси раҳбари билан учрашди. 

Аввал хабар берганимиздек, 2021 йилнинг 23 сентябрь куни Венгрия пойтахти Будапешт шахрида Туркий тилли давлатлар савдо-саноат палаталари кенгашининг навбатдаги йиғилиши ва Бизнес форуми бўлиб ўтди.

Мазкур Бизнес форумда Ўзбекистон Савдо-саноат палатаси раиси А.Икрамов бошчилигидаги делегация иштирок этди. 

Бугун, яъни 24 сентябри куни Венгрия мамлакатига ташриф доирасида Савдо-саноат палатаси раиси А.Икрамов "Urban"қандолатчилик фабрикаси директори билан учрашди. 

Мулоқот давомида, Венгрия бозорига Ўзбекистон маҳсулотларини, ҳусусан, шиша идишлар, қандолат маҳсулотлари,спиртли ичимликлар, электротехника анжомларини етказиб бериш масалалари муҳокама қилинди.

Шу ўринда чет эл томонидан фабрика ҳудудида ўзбек маҳсулотлари шоу-румини ташкил қилиш борасида қизиқишлар мавжудлиги ҳам таъкидланди.

ССП Мутбуот хизмати