Қарши шаҳрида “Бўш иш ўринлари” ярмаркаси ўтказилди

Жорий йилнинг 24 сентябрь куни Қарши шаҳридаги “Ишга марҳамат” мономарказида “Бўш иш ўринлари” ярмаркаси ўтказилди.

Ушбу ўтказилган меҳнат ярмаркасида Савдо-саноат палатасининг Қашқадарё вилоят ҳудудий бошқармаси томонидан тадбиркорлик  фаолиятини бошламоқчи бўлган ёшларга минитехналогиялар намойиш этилди. Шунингдек, 102 та корхона, ташкилот ва муассасалари ўзларининг 865 та бўш (вакант) иш ўринлари билан иштирок этди. 

Ярмарка давомида 54 нафар фуқаролар доимий иш ўринларига ишга жойлаштирилди, 27 нафарига томорқа хўжалигидан фойдаланиш учун субсидиялар ажратилиб, 10 нафар ишсиз хотин-қизларга касбга ўқитишга йўлланмалар берилди. Шу билан бирга, 15 нафар ишсиз фуқароларга тадбиркорлик фаолиятини йўлга қўйишлари учун имтиёзли кредитлар берилди.

Бундан ташқари, Қарши шаҳар 2-секторда яшовчи “Аёллар дафтари”га киритилган 10 нафар хотин-қизларга касб-ҳунар ўргатилганлиги ҳақида сертификатлар ҳамда “Ёшлар дафтари”га киритилган 3 нафар фуқароларга ўзини ўзи банд қилишлари учун зарур асбоб-ускуналар берилди.

ССП Матбуот хизмати