Qarshi shahrida “Bo‘sh ish o‘rinlari” yarmarkasi o‘tkazildi

Joriy yilning 24 sentyabr' kuni Qarshi shahridagi “Ishga marhamat” monomarkazida “Bo‘sh ish o‘rinlari” yarmarkasi o‘tkazildi.

Ushbu o‘tkazilgan mehnat yarmarkasida Savdo-sanoat palatasining Qashqadaryo viloyat hududiy boshqarmasi tomonidan tadbirkorlik  faoliyatini boshlamoqchi bo‘lgan yoshlarga minitexnalogiyalar namoyish etildi. Shuningdek, 102 ta korxona, tashkilot va muassasalari o‘zlarining 865 ta bo‘sh (vakant) ish o‘rinlari bilan ishtirok etdi. 

Yarmarka davomida 54 nafar fuqarolar doimiy ish o‘rinlariga ishga joylashtirildi, 27 nafariga tomorqa xo‘jaligidan foydalanish uchun subsidiyalar ajratilib, 10 nafar ishsiz xotin-qizlarga kasbga o‘qitishga yo‘llanmalar berildi. Shu bilan birga, 15 nafar ishsiz fuqarolarga tadbirkorlik faoliyatini yo‘lga qo‘yishlari uchun imtiyozli kreditlar berildi.

Bundan tashqari, Qarshi shahar 2-sektorda yashovchi “Ayollar daftari”ga kiritilgan 10 nafar xotin-qizlarga kasb-hunar o‘rgatilganligi haqida sertifikatlar hamda “Yoshlar daftari”ga kiritilgan 3 nafar fuqarolarga o‘zini o‘zi band qilishlari uchun zarur asbob-uskunalar berildi.

SSP Matbuot xizmati