"Хотин-қизларнинг энг яхши стартап лойихаси" танловнинг Хоразм вилоят босқичи ўтказилди

Давлатимиз раҳбарининг ташаббуслари билан хотин-қизларнинг хуқуқ ва манфаатларини химоя килиш, уларнинг ижтимоий химояга мухтож қатламларига ёрдам кўрсатиш, бандлигини таъминлаш масаласи сиёсат даражасига кўтарилди.

Хусусан, 2021 йил 26 февраль куни Ўзбекистон Республикаси Президенти Ш.М.Мирзиёев раҳбарлигида ўтказилган видеселектор йиғилишда хотин-қизларнинг бандлиги масалаларига жиддий ёндошиш, "Темир дафтар", "Аёллар дафтари", "Ёшлар дафтари"даги хотин-қизларни тадбиркорликка жалб этиш, иш ўринлари яратиш, касб-ҳунар ўргатиш масалаларини мақсадли ва манзилли йўлга қўйиш бўйича вазирлик ва идораларга топшириқ берилган эди.

Ушбу топшириқларни самарали амалга ошириш, хотин-қизларни тадбиркорлик соҳасига кенг жалб этиш, оила даромадларини кўпайтириш, иш билан таъминлаш, турмуш фаровонлигини оширишга қаратилган лойиҳаларни амалиётга жорий этиш ва кенг оммага тарғиб этиш ҳамда рағбатлантириш мақсадида Маҳалла ва оилани қўллаб-қувватлаш вазирлиги томонидан Инновацион Ривожланиш вазирлиги, Савдо Саноат Палатаси, Ўзбекистон Республикаси акциядорлик  тижорат  Халк банки ва Республика Хотин-қизларнинг тадбиркорлик маркази билан ҳамкорликда "Хотин-қизларнинг энг яхши стартап лойихаси" танловнинг Хоразм вилоят босқичи ўтказилди. 

Танлов мамлакатимиз иқтисодиётини ривожлантиришда муҳим ўрин тутадиган  тадбиркорликни ривожлантиришга қаратилган бўлиб, энг аввало аёлларини тадбиркорлик соҳасига кенг жалб этишни рағбатлантириш ва оила даромадларини кўпайтириш, турмуш фаровонлигини оширишга қаратилган лойихаларни амалиётга жорий қилиш мақсадида ўтказилди.

Танловда Ўзбекистон Савдо-саноат палатаси Хоразм вилоят ҳудудий бошқармаси қошидаги нодавлат таълим муассасаси “Xorazm Biznes-Maktabi”да ўқиб сертификат олган хотин-қизлар қатнашди. 
Танлов жорий йилнинг май-август ойларида 2 босқичда қуйидаги номинациялар бўйича ташкил этилди:
1. АКТни ривожлантириш бўйича энг яхши стартап лойиҳа;
2. Ишлаб чиқариш бўйича энг яхши стартап лойиҳа;
3.Тиббиёт соҳасидаги энг яхши стартап лойиҳа; 
4. Фармацевтика соҳасидаги энг яхши стартап лойиҳа;
5.  Қишлоқ хўжалиги соҳасидаги энг яхши стартап  лойиҳа”
6.  Енгил саноат ва тўқимачилик бўйича  яхши стартап   лойиҳа; 
7.  Сервис соҳасидаги энг яхши стартап лойиҳа”
8.  Ноанъанавий тадбиркорлик йўналиши бўйича энг яхши стартап   лойиҳа;
9.  Имконияти чекланган тадбиркор аёлнинг стартап лойиҳаси;
10. Иқтидорли қизнинг истиқболли   стартап лойиҳаси.

Ғолиблар рўйхати билан бу ерда танишинг.

ССП Матбуот хизмати