Ўзбекистон ва Санкт-Петербург тадбиркорлари ўртасида B2B форматида учрашувлар ўтказилади

Ўзбекистон Савдо-саноат палатаси томонидан 2021 йил 8 октябрда Тошкент шаҳридаги “International Hotel Tashkent” мехмонхонасининг “Crystal Ballroom” залида Санкт-Петербург тадбиркорлари ва Ўзбекистон ишбилармон доиралари ўртасида B2B форматида бизнес учрашувлар ўтказилади.

Бунда қуйидаги йўналишларда Россиянинг етакчи компаниялари иштирок этиши кўзда тутилган.

• қурилиш,
• энергетика,
• тиббиёт,
• ҳавони тозалаш соҳаси,
• минерал ўғитлар,
• сув соҳасида лойиҳалаштириш,
• ахборот технологиялари,
• савдо тармоқлари,
• ресторан ва умумий овқатланиш

Мазкур тадбирда иштирок этиш истагидаги тадбиркорлар иштирокчи тўғрисидаги маълумотларни (корхона номи, ишлаб чиқариладиган маҳсулот номи, иштирокчининг исм-шарифи, лавозими, телефон рақами) 2021 йил 7 октябрь куни соат 15:00 га қадар Палатанинг Экспортга кўмаклашиш бошқармаси expo@chamber.uz электрон манзилига юборишларини сўраймиз.

Қўшимча маълумот олиш учун Палатанинг Экспортга кўмаклашиш бошқармаси масъул ходими Хусанбоев Йўлдошалига +99897-771-62-91 телефон рақами орқали боғланиш мумкин.

ССП Ахборот-хизмати