Oʼzbekiston va Sankt-Peterburg tadbirkorlari oʼrtasida B2B formatida uchrashuvlar oʼtkaziladi

Oʼzbekiston Savdo-sanoat palatasi tomonidan 2021 yil 8 oktyabrda Toshkent shahridagi “International Hotel Tashkent” mexmonxonasining “Crystal Ballroom” zalida Sankt-Peterburg tadbirkorlari va Oʼzbekiston ishbilarmon doiralari oʼrtasida B2B formatida biznes uchrashuvlar oʼtkaziladi.

Bunda quyidagi yoʼnalishlarda Rossiyaning yetakchi kompaniyalari ishtirok etishi koʼzda tutilgan.

• qurilish,
• energetika,
• tibbiyot,
• havoni tozalash sohasi,
• mineral oʼgʼitlar,
• suv sohasida loyihalashtirish,
• axborot texnologiyalari,
• savdo tarmoqlari,
• restoran va umumiy ovqatlanish

Mazkur tadbirda ishtirok etish istagidagi tadbirkorlar ishtirokchi toʼgʼrisidagi maʼlumotlarni (korxona nomi, ishlab chiqariladigan mahsulot nomi, ishtirokchining ism-sharifi, lavozimi, telefon raqami) 2021 yil 7 oktyabr kuni soat 15:00 ga qadar Palataning Eksportga koʼmaklashish boshqarmasi expo@chamber.uz elektron manziliga yuborishlarini soʼraymiz.

Qoʼshimcha maʼlumot olish uchun Palataning Eksportga koʼmaklashish boshqarmasi masʼul xodimi Xusanboev Yoʼldoshaliga +99897-771-62-91 telefon raqami orqali bogʼlanish mumkin.

SSP Axborot-xizmati